Samantha: మరోసారి భయపెట్టేందుకు సిద్ధమైన సమంత.. కానీ ఈసారి…

గత కొద్దిరోజులుగా సోషల్ మీడియాకు దూరంగా ఉంటుంది సమంత. ఎప్పుడూ ఫోటోషూట్స్..చిట్ చాట్స్ అంటూ సందడి చేసే సామ్ ఇప్పుడు సైలెంట్ అయిపోయింది. ప్రస్తుతం యశోధ, ఖుషి చిత్రాల షూటింగ్స్‏లో పాల్గోంటూ తెగ బిజీ అయిపోయింది. ఇప్పటికే విడుదలైన ఈ మూవీ పోస్టర్స్, గ్లింప్స్ సినిమాలపై మరింత ఆసక్తిని పెంచాయి. ఇటు టాలీవుడ్ మాత్రమే కాదు.. బాలీవుడ్‏లో సామ్ బిజీ కానుంది. ప్రస్తుతం ఆమె చేతిలో హిందీ ప్రాజెక్ట్స్ రెండు ఉన్నాయి. అందులో ఒకటి వెబ్ సిరీస్. వరుణ్ దావన్‏తో కలిసి నటిస్తోంది. ఈ సిరీస్ కోసం సామ్ మార్షల్ ఆర్ట్స్ నేర్చుకుంటున్న సంగతి తెలిసిందే. ఈ సిరీస్ కాకుండా మరో మూవీలో సమంత నటిస్తోంది. ఆయుష్మాన్ ఖురానా ఇందులో ప్రధాన పాత్రలో నటిస్తున్నాడు.

రాజస్థాన్ బ్యాక్ డ్రాప్ లో జానపద కథతో రాబోతున్న ఈ సినిమాలో సామ్ ద్విపాత్రాభినయం చేయబోతుంది. ఇందులో ఒకటి రాజ్ పుత్ రాణిగా.. మరొకటి ఆత్మగా. అయితే ఆత్మగా నటించడం అనేది సమంతకు కొత్తేమి కాదు. గతంలోనూ రాజు గారి గది 2లో సామ్ ఆత్మగా నటించింది. కానీ ఈ సినిమా ఆశించినంత స్థాయిలో హిట్ కాలేదు. ఈ చిత్రానికి అమర్ కౌశిక్ దర్శకత్వం వహిస్తున్నారు. ఇక ఇప్పటికే సామ్ నటించిన శాకుంతలం సినిమా విడుదలకు సిద్ధంగా ఉంది. షూటింగ్ కంప్లీట్ చేసుకుని పోస్ట్ ప్రొడక్షన్ పనులు జరుపుకుంటున్న ఈ మూవీ త్వరలోనే ఆడియన్స్ ముందుకు రానుంది.