Sunny Leone: ‘సన్నీ.. నీ మీద రెస్పెక్ట్‌ పెరిగిపోతోంది’.. పని మనిషి కూతురు తప్పిపోతే అందాల తార ఏం చేసిందో తెలుసా?

మంచు మనోజ్‌ కరెంట్ తీగ, రాజశేఖర్‌ గరుడ వేగ, మంచు విష్ణు జిన్నా సినిమాలతో తెలుగు ఆడియెన్స్‌కూ బాగా చేరువైంది సన్నీ లియోన్. సినిమాల సంగతి పక్కన పెడితే సన్నీ లియోన్‌ను చాలామంది అభిమానించేందుకు మరో కారణం ఉంది. అదే ఆమె సామాజిక సేవ. ఇద్దరు పిల్లల్ని దత్తత తీసుకుని మరీ పెంచుకుంటుందామె. తాజాగా మరోసారి తన గొప్ప మనసును చాటుకుంది సన్నీ లియోన్‌.

Actress Sunny Leone

Updated on: Nov 09, 2023 | 7:31 PM

సన్నీ లియోన్.. సినిమా ప్రేక్షకులకు ప్రత్యేక పరిచయం అవసరం లేని పేరు. ఒకప్పుడు శృంగార తారగా గుర్తింపు తెచ్చుకున్న ఈ అందాల తార ఇప్పుడు బాలీవుడ్ తారగా మంచి పాపులారిటీ సొంతం చేసుకుంది. స్పెషల్‌ సాంగ్స్‌తో మెప్పించడంతో పాటు క్యారెక్టర్‌ ఆర్టిస్ట్‌గానూ అలరిస్తోంది. తన అందం, అభినయంతో హిందీ సినిమాలతో పాటు దక్షిణాది మూవీస్‌లోనూ సందడి చేస్తోంది. మంచు మనోజ్‌ కరెంట్ తీగ, రాజశేఖర్‌ గరుడ వేగ, మంచు విష్ణు జిన్నా సినిమాలతో తెలుగు ఆడియెన్స్‌కూ బాగా చేరువైంది సన్నీ లియోన్. సినిమాల సంగతి పక్కన పెడితే సన్నీ లియోన్‌ను చాలామంది అభిమానించేందుకు మరో కారణం ఉంది. అదే ఆమె సామాజిక సేవ. ఇద్దరు పిల్లల్ని దత్తత తీసుకుని మరీ పెంచుకుంటుందామె. తాజాగా మరోసారి తన గొప్ప మనసును చాటుకుంది సన్నీ లియోన్‌. తప్పి పోయిన బాలిక సమాచారం అందిస్తే తానే రూ. 50వేల బహుమతి ఇస్తానని తెలిపింది. ఈ మేరకు సోషల్‌ మీడియాలో తప్పిపోయిన బాలికతో పాటు అడ్రెస్‌, ఫోన్‌ తదితర వివరాలను షేర్‌ చేసింది. వివరాల్లోకి వెళితే.. సన్నీ లియోన్ ఇంట్లో ముంబయికి చెందిన కిరణ్ మోరే అనే వ్యక్తి చాలా ఏళ్లుగా పని చేస్తున్నారు. ఆయనకు అనుష్క అనే 9 ఏళ్ల కూతురు ఉంది. మంగళవారం (నవంబర్‌ 8) సాయంత్రం 7 గంటల సమయంలో ముంబయిలోని జోగేశ్వరి ప్రాంతంలో అమ్మాయి తప్పిపోయింది. దీంతో బాలిక కోసం తల్లిదండ్రులు గాలిస్తున్నారు. ఎవరైనా బాలిక ఆచూకీ, సమాచారం చెబితే 11 వేల రూపాయలు నగదు పారితోషకం ఇస్తామని సామాజిక మాధ్యమాల వేదికగా ప్రకటించారు.

అయితే బాలిక సమాచారం ఇచ్చినవారికి తాను వ్యక్తిగతంగా మరో రూ.50 వేల రూపాయలు ఇస్తానని సన్నీ లియోన్‌ ప్రకటించింది. ఈమేరకు సోషల్‌ మీడియా వేదికగా ఒక పోస్టును షేర్‌ చేసింది. ఇలా తన వద్ద పని చేసే వ్యక్తి కుటుంబానికి వచ్చిన సమస్యను తన భుజాన వేసుకుని మరీ సాయమందిస్తోన్న సన్నీ లియోన్‌ తీరుపై అందరూ ప్రశంసలు కురిపిస్తున్నారు. ‘ సన్నీ.. నీది చాలా మంచి మనసు.. గొప్ప మనసు.. నీ మీద రెస్పెక్ట్‌ పెంచేసుకుంటున్నావ్‌’ అంటూ అభిమానులు, నెటిజన్లు కామెంట్ల వర్షం కురిపిస్తున్నారు.

ఇవి కూడా చదవండి