Poonam Kaur: ‘చిన్నప్పుడే పులి లాంటి మనిషిని కలిశా’.. వైఎస్సార్పై పూనమ్ కౌర్ సంచలన ట్వీట్
దివంగత సీఎం వైఎస్సార్ జయంతిని పురస్కరించుకుని ప్రముఖ నటి పూనమ్ కౌర్ ఇంట్రెస్టింగ్ ట్వీట్ చేసింది. వైఎస్సార్తో కలిసున్న బ్లాక్ అండ్ వైట్ ఫొటోను ట్విట్టర్ లో షేర్ చేసిన ఆమె 'పేదవాళ్ల ని అడ్డు పెట్టుకుంటూ కేవలం వోట్ ఇంకా నోటు రాజకీయాలు చేస్తూ ఉంటే..
Updated on: Jul 09, 2023 | 8:52 PM
దివంగత నేత, ఉమ్మడి ఆంధ్రప్రదేశ్ మాజీ ముఖ్యమంత్రి జయంతి (జులై 7) సందర్భంగా పలువురు ప్రముఖులు ఆయనకు నివాళి అర్పించారు. కాంగ్రెస్ అగ్రనేత రాహుల్ గాంధీతో సహా పలువురు రాజకీయ, సినీ ప్రముఖులు సోషల్ మీడియా వేదికగా వైఎస్సార్ సేవలను స్మరించుకున్నారు. అలాగే తెలుగు రాష్ట్రాల అభివృద్ధికి వైఎస్సార్ చేసిన సేవలను ఆయన అభిమానులు గుర్తుచేసుకున్నారు. ఈక్రమంలో దివంగత సీఎం వైఎస్సార్ జయంతిని పురస్కరించుకుని ప్రముఖ నటి పూనమ్ కౌర్ ఇంట్రెస్టింగ్ ట్వీట్ చేసింది. వైఎస్సార్తో కలిసున్న బ్లాక్ అండ్ వైట్ ఫొటోను ట్విట్టర్ లో షేర్ చేసిన ఆమె ‘పేదవాళ్ల ని అడ్డు పెట్టుకుంటూ కేవలం వోట్ ఇంకా నోటు రాజకీయాలు చేస్తూ ఉంటే.. పేదవాళ్ల మనసులో చోటు దక్కించుకున్న అగ్ర నాయకుడు రాజశేఖర్ రెడ్డి గారు. అనుకోకుండా చిన్నప్పుడు ఈ పులి లాంటి మనిషి ని కలవడం అదృష్టంగా భావిస్తున్నాను’ అని తెలుగులో ట్వీట్ చేసింది పూనమ్. ప్రస్తుతం ఈ పోస్ట్ సోషల్ మీడియాలో వైరల్గా మారింది.
అయితే పూనమ్ ట్వీట్లో చాలా అక్షర దోషాలు ఉన్నాయి. దీంతో కొంతమంది నెటిజన్లు ఆమెను ట్రోల్ చేశారు. గూగుల్ ట్రాన్స్ లేటర్ను ఉపయోగించావా? అంటూ కామెంట్లు పెట్టారు. అయితే వైఎస్సార్ అభిమానులు, వైసీపీ కార్యకర్తలు, శ్రేణులు, జగన్ ఫ్యాన్స్ పూనమ్ ట్వీట్పై ప్రశంసల వర్షం కురిపిస్తున్నారు. కాగా 2006లో ఒక విచిత్రం సినిమాతో తెలుగు ఇండస్ట్రీలోకి అడుగుపెట్టింది పూనమ్ కౌర్. ఆ తర్వాత శౌర్యం, వినాయకుడు, ఈనాడు, గణేశ్, నాగవల్లి, పయనం, గగనం, అటాక్, నాయకి, శ్రీనివాస కల్యాణం తదితర సినిమాల్లో నటించి మంచి గుర్తింపు తెచ్చుకుంది. తెలుగుతో పాటు పలు తమిళ్, మలయాళ సినిమాల్లోనూ నటించి అక్కడి ప్రేక్షకులను మెప్పించింది.
పేదవాళ్ల ని అడ్డు పెట్టుకుంటూ కేవలం వోట్ ఇంకా నోటు రాజకీయాలు చేస్తూ ఉంటెయ్ , పేదవాళ్ల మనసు లో చోటు తెచ్చుకున్న అగ్ర నాయుడు రాజశేఖర్ రెడ్డి గారు , అనుకోకుండా చినప్పుడు ఈ పులి లాంటి మనిషి ని కలవడం అదృష్టం గ భావిస్తున్నాను 🙏🇮🇳#memories pic.twitter.com/iT4ey7nlx0
— पूनम कौर ❤️ poonam kaur (@poonamkaurlal) July 8, 2023
మరిన్ని సినిమా వార్తల కోసం క్లిక్ చేయండి.
