Dev Mohan: దుష్యంతుడిగా మెప్పించిన దేవ్ మోహన్.. శాకుంతలం కోసం ఎంత రెమ్యూనరేషన్ తీసుకున్నారో తెలుసా ?..
శకుంతల, దుష్యంతుల ప్రేమకథను మరోసారి ఆడియన్స్ కళ్లముందుకు తీసుకురావాలని ఈ మూవీతో ప్రయత్నించారు గుణశేఖర్. కానీ చిన్న చిన్న పొరపాట్లు.. వీఎఫ్ఎక్స్ ఎక్కువ కావడంతో ఈ సినిమా అంతగా ఆకట్టుకోలేకపోయింది. ఏప్రిల్ 14న తెలుగుతోపాటు.. కన్నడ, మలయాళం, తమిళం, హిందీ భాషల్లో విడుదలై అతి తక్కువ వసూళ్లు రాబట్టింది.
భారీ అంచనాలతో ప్రేక్షకుల ముందుకు వచ్చి మిశ్రమ స్పందన సొంతం చేసుకున్న సినిమా శాకుంతలం. డైరెక్టర్ గుణశేఖర్ తెరకెక్కించిన ఈ ప్రేమకథలో సమంత ప్రధాన పాత్రలో నటించింది. కాళిదాసు రచించిన అభిజ్ఞాన శాకుంతలం ఆధారంగా వచ్చిన ఈమూవీని రూపొందించారు. శకుంతల, దుష్యంతుల ప్రేమకథను మరోసారి ఆడియన్స్ కళ్లముందుకు తీసుకురావాలని ఈ మూవీతో ప్రయత్నించారు గుణశేఖర్. కానీ చిన్న చిన్న పొరపాట్లు.. వీఎఫ్ఎక్స్ ఎక్కువ కావడంతో ఈ సినిమా అంతగా ఆకట్టుకోలేకపోయింది. ఏప్రిల్ 14న తెలుగుతోపాటు.. కన్నడ, మలయాళం, తమిళం, హిందీ భాషల్లో విడుదలై అతి తక్కువ వసూళ్లు రాబట్టింది. ఈ చిత్రంలో మలయాళీ నటుడు దేవ్ మోహన్, అల్లు అర్హ, ప్రకాష్ రాజ్, మధుబాల, గౌతమి, మోహన్ బాబు కీలకపాత్రలలో నటించారు.
మణిశర్మ సంగీతం అందించగా.. శేఖర్. వి. జోసెఫ్ సినిమాటోగ్రఫీ అందించారు. ఈ మూవీతో తెలుగు తెరకు పరిచయమయ్యాడు దేవ్ మోహన్. శాకుంతలం చిత్రంలో దుష్యంతుడి పాత్రలో అతని నటన అద్భుతం. తన పాత్రలో దేవ్ ఒదిగిపోయాడు. ముఖ్యంగా అల్లు అర్హ.. దేవ్ మోహన్ మధ్య జరిగే సంభాషణ ప్రేక్షకులను కట్టిపడేసింది. ఈ సినిమాతో ఒక్కసారిగా తనకంటూ ప్రత్యేక ఇమేజ్ క్రియేట్ చేసుకున్నాడు దేవ్ మోహన్. దీంతో ప్రస్తుతం అతను ఈ సినిమా కోసం తీసుకున్న రెమ్యునరేషన్ గురించి చర్చ జరుగుతుంది.
ఈ సినిమాలో నటించేందుకు దేవ్ మోహన్ రూ. 1.75 కోట్లు తీసుకున్నాడట. వాస్తవానికి అతను అప్ కమింగ్ హీరో. ఇప్పుడిప్పుడే ఇండస్ట్రీలో అడుగులు వేస్తున్నారు. 1992 సెప్టెంబర్ 18న జన్మించారు. మెకానికల్ ఇంజనీరింగ్ పూర్తిచేసిన దేవ్ బెంగుళూరులోని ఓ కంపెనీలో సాఫ్ట్ వేర్ ఉద్యోగం చేశాడు. నటనపై ఆసక్తితో మోడలింగ్ రంగంలోకి అడుగుపెట్టిన దేవ్… 2016లో ముంబైలో నిర్వహించిన పీటర్ ఇంగ్లాండ్ మిస్టర్ ఇండియా 2016 లో పాల్గొని ఫైనలిస్ట్గా నిలిచాడు.
శాకుంతలం తర్వాత దేవ్ మోహన్ తెలుగులో మరిన్ని చిత్రాల్లో నటిస్తున్నారు. ఇటీవల రష్మిక మందన్నా కథానాయికగా తెరకెక్కుతున్న లేడీ ఓరియెంటెడ్ చిత్రంలో నటిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతుంది.
మరిన్ని సినిమా వార్తల కోసం ఇక్కడ క్లిక్ చేయండి.