Bigg Boss 7 Telugu: అర్జున్ అంబటి ఎలిమినేట్‌.. విన్నర్‌తో సమానంగా రెమ్యునరేషన్.. ఎన్ని లక్షలో తెలుసా?
ఎలాంటి గొడవలు, వివాదాలకు పోకుండా హౌజ్లో హుందాగా వ్యవహరించాడీ సీరియల్ యాక్టర్. టాస్కులు, గేమ్స్‌లో సమయస్ఫూర్తితో వ్యవహరించాడు. పవర్‌ అస్త్ర సాధించి ఏడో సీజన్‌ లో గ్రాండ్‌ ఫినాలేకు దూసుకెళ్లిన మొదటి కంటెస్టెంట్‌ గా గుర్తింపు తెచ్చుకున్నాడు. అయితే అంతా బాగున్నా అభిమానుల ఓట్లు సంపాదించడంలో బాగా వెనక బడ్డాడు అర్జున్.
Updated on: Dec 17, 2023 | 9:15 PM
బిగ్ బాస్ గ్రాండ్‌ ఫినాలే నుంచి అంబటి అర్జున్ ఎలిమినేట్‌ అయ్యాడు. హౌజ్‌లోకి వైల్డ్‌ కార్డ్‌ కంటెస్టెంట్‌గా అడుగుపెట్టిన ఈ సీరియల్ నటుడు తనదైన ఆటతీరు, మాటతీరుతో ఆకట్టుకున్నాడు. ఎలాంటి గొడవలు, వివాదాలకు పోకుండా హౌజ్లో హుందాగా వ్యవహరించాడీ సీరియల్ యాక్టర్. టాస్కులు, గేమ్స్‌లో సమయస్ఫూర్తితో వ్యవహరించాడు. పవర్‌ అస్త్ర సాధించి ఏడో సీజన్‌ లో గ్రాండ్‌ ఫినాలేకు దూసుకెళ్లిన మొదటి కంటెస్టెంట్‌ గా గుర్తింపు తెచ్చుకున్నాడు. అయితే అంతా బాగున్నా అభిమానుల ఓట్లు సంపాదించడంలో బాగా వెనక బడ్డాడు అర్జున్. అందుకే ఆరో స్థానంతో సరిపెట్టుకుని హౌజ్‌ నుంచి బయటకు వచ్చాడు. ఆదివారం జరిగిన బిగ్ బాస్ గ్రాండ్‌ ఫినాలేలో అర్జున్ అంబటి మొదటిగా ఎలిమినేట్‌ అయ్యాడు. స్టార్‌ యాంకర్ సుమ కనకాల రోబో సహాయంతో అర్జున్ అంబటిని హౌజ్‌ నుంచి బిగ్ బాస్ స్టేజీపైకి తీసుకొచ్చింది. అయితే హౌజ్లో ఎంతో హుందాగా వ్యవహరించిన అర్జున్ ఎలిమినేషన్ సమయంలోనూ ఎంతో సమయస్ఫూర్తితో మెలిగాడు. ‘నన్ను నువ్వే తీసుకురావాలా’ అంటూ సుమతో చమత్కారంగా మాట్లాడాడు.
ఈ సందర్బంగా అర్జున్ అంబటి భార్య సురేఖ బిగ్ బాస్ స్టేజ్‌పైకి వచ్చింది. చాలా రోజుల తర్వాత తన భర్తను కలవడంతో బాగా ఎమోషనల్‌ అయ్యింది సురేఖ. ఇక మొత్తమ్మీద అర్జున్ అంబటి సుమారు 10 వారాలు హౌజ్‌ లో కొనసాగాడు. ఇందుకోసం రోజుకు రూ. 35వేల పారితోషకం తీసుకున్నాడు. అంటే వారానికి సుమారు రూ. 2, 45,000. మొత్తమ్మీద అర్జున్ రూ. 24.5 లక్షల రెమ్యునరేషన్ అందుకున్నాడని టాక్‌ వినిపిస్తోంది. ఇతర కంటెస్టెంట్స్‌ తో పోల్చుకుంటే ఇది చాలా ఎక్కువ. బిగ్ బాస్ టైటిల్‌ గెలవకపోయినా అందుకు సమానమైన రెమ్యునరేషన్ అర్జున్ అందుకున్నట్లే.
Arjun is the first finalist to leave the house after an amazing journey and incredible run!#BiggBossTelugu7 pic.twitter.com/88NA8NFGXs
— Disney+ Hotstar Telugu (@DisneyPlusHSTel) December 17, 2023
బిగ్ బాస్ వేదికపై భార్యతో అర్జున్ అంబటి..
Arjun and Surekha named their baby as “ARKHA” , AR rom Arjun and KHA from Surekha 🥳☺️😍😍😚#BiggBossTelugu7 #AmbatiArjun #ArjunAmbati @Mounika_reddyyy pic.twitter.com/8BLj8xRWHK
— hole in the heart (@holeinthehearts) December 17, 2023
మరిన్ని సినిమా వార్తల కోసం ఇక్కడ క్లిక్ చేయండి.
