పెద్ద మనసు చాటుకున్న సూర్య ఫ్యామిలి…కోవిడ్‌పై పోరాటానికి రూ.కోటి విరాళం..

తమిళ హీరో సూర్య ఫ్యామిలీ మరోసారి పెద్ద మనస్సు చాటుకుంది. కోవిడ్‌పై పోరాటానికి తమిళనాడు ప్రభుత్వానికి రూ. కోటి విరాళం అంజేశారు. ఈ మేరకు ముఖ్యమంత్రి సహాన నిధి రూ.కోటి చెక్కును అందజేశారు. కోవిడ్ సెకండ్ వేవ్ తమిళనాడులో విలయతాండవం చేస్తోంది. ప్రతి రోజూ భారీ సంఖ్యలో కొత్త కేసులు నమోదవుతుండగా…కోవిడ్ మరణాల సంఖ్య కూడా రోజురోజుకూ పెరుగుతోంది. ఈ నేపథ్యంలో కోవిడ్‌పై ప్రభుత్వం చేపడుతున్న పోరాటానికి అందరూ అండగా నిలవాలని, వీలైనంత మేరకు సీఎం సహాయనిధికి విరాళాలు ఇవ్వాలని పిలుపునిచ్చారు.

Surya Family

ఈ నేపథ్యంలో సూర్య తండ్రి శివకుమార్ తమ కుటుంబం తరఫున రూ.కోటి విరాళం ప్రకటించారు. శివకుమార్, సూర్య, కార్తి తమిళనాడు సీఎం ఎంకే స్టాలిన్‌ను స్వయంగా కలిసి ఆ మేరకు చెక్కును అందజేశారు. కోవిడ్‌పై తమిళనాడు ప్రభుత్వం చేపడుతున్న పోరాటానికి అండగా నిలిచేందుకు ఈ సాయాన్ని అందజేసినట్లు తెలిపారు.కరోనా బారినుంచి రాష్ట్ర ప్రజలను కాపాడేందుకు ప్రభుత్వం అన్ని చర్యలు తీసుకోవాలని కోరారు. హీరో సూర్య కుటుంబం క‌రోనాపై పోరుకు త‌మ మ‌ద్ద‌తుని తెలియ‌జేస్తూ ఇంత భారీ విరాళాన్ని ప్ర‌క‌టించ‌డంతో అంద‌రూ వారిని అభినందిస్తున్నారు.

• Exclusive Pics Of @Suriya_offl Anna With Honourable TN CM @mkstalin Donating Rs. 1 Crore Towards COVID-19 Relief! ❤️#Sivakumar Ayya, @Karthi_Offl And @rajsekarpandian Also Seen! ?❤️ pic.twitter.com/J667C65Y10

— Suriya Fans Club™ (@SuriyaFansClub) May 12, 2021

అటు కోవిడ్‌ను ఎదుర్కొనేందుకు తప్పనిసరిగా మాస్క్ ధరించాలని పిలుపునిస్తూ హీరో కార్తి ఓ వీడియోను సోషల్ మీడియాలో షేర్ చేశారు.

Best line of defense! #maskpodu, wear your mask, wear it tight, wear it right, wear it double! pic.twitter.com/wxmnVaADol

— Actor Karthi (@Karthi_Offl) May 12, 2021