క్రేజీ కాంబినేషన్ నుంచి ఇంట్రెస్టింగ్ అప్‏డేట్.. మాస్ మాహారాజా కోసం హీరోయిన్ ఫిక్స్..

మాస్ మాహారాజా రవితేజ.. ప్రస్తుతం రమేష్ వర్మ దర్శకత్వంలో ‘ఖిలాడీ’ సినిమాలో నటిస్తున్నాడు. ఇటీవలే ప్రారంభమైన ఈ మూవీ షూటింగ్ శరవేగంగా జరుగుతోంది. రవితేజ సరసన మీనాక్షి చౌదరి, డింపుల్ హయాతి హీరోయిన్‏లుగా నటిస్తున్నారు. ఖిలాడి మూవీని హావీష్ ప్రొడక్షన్స్, బాలీవుడ్ కు చెందిన పెన్ స్టూడియోస్ సంయుక్తంగా నిర్మిస్తున్నారు. ఈ సినిమా తర్వాత రవితేజ.. నక్కిన త్రినాధ్ రావ్ దర్శకత్వంలో ఓ మూవీ చేయనున్నాడు. తాజాగా ఈ సినిమాకు సంబంధించిన మరో ఇంట్రెస్టింగ్ అప్ డేట్ ఫిల్మ్ నగర్లో చక్కర్లు కొడుతుంది.

రవితేజ, నక్కిన త్రినాధ్ రావ్ దర్శకత్వంలో తెరకెక్కుతున్న సినిమాలో హీరోయిన్‏గా రాశి ఖన్నాను సెలక్ట్ చేసారట. అయితే ఇప్పటి వరకు ఈ సినిమాకు సంబంధించిన వివరాలకు ఎలాంటి ప్రకటన రాలేదు. సంక్రాంతి కానుకగా వచ్చిన క్రాక్ మూవీ సూపర్ హిట్ కావడంతో రవితేజ మళ్లీ తన ఫాంలోకి వచ్చేశాడు. ఇక రవితేజ కామెడీ టైమింగ్ గురించి చెప్పాల్సిన పనిలేదు. కేవలం తన మాడ్యులేషన్‏తోనే అద్భుతమైన కామెడీని పండించగలడు. ఇక త్రినాధ్ రావ్ దర్శకత్వంలో అలాంటి కామెడీ సినిమాతోనే మరోసారి నవ్వించేందుకు రాబోతున్నాడు మాస్ మాహారాజా.

Also Read:

పాన్ ఇండియా మూవీ షూటింగ్ పూర్తిచేసిన నాగార్జున.. వారితో నటించడం అద్భుతం అంటూ ట్వీట్..