కేసీఆర్‌ను వదిలిపెట్టను.. రీసెర్చ్ చేస్తున్నా..

డైరెక్టర్ రాంగోపాల్ వర్మ ఎప్పుడూ వివాదాలనే ఎదుర్కొంటూ వెళ్లడం ఆయన నైజం. ఆయన చుట్టూ నిత్యం ఏదో ఒక వివాదం తిరుగుతూనే ఉంటుంది. ప్రస్తుతం సీఎం కేసీఆర్‌పై రాంగోపాల్ వర్మ చేసిన కామెంట్స్ ఇప్పుడు వైరల్ అవుతున్నాయి. కాగా.. తెలంగాణ సీఎం కేసీఆర్‌పై కూడా బయోపిక్‌ను తెరకెక్కించనున్నాని తెలిపారు డైరెక్టర్ రాంగోపాల్ వర్మ. ఇప్పటికే ఆయనపై రీసెర్చ్ కూడా మొదలు పెట్టానని ఓ ఇంటర్య్వూలో పేర్కొన్నారు.

అలాగే.. ఇప్పటివరకూ లక్ష్మీస్ ఎన్టీఆర్ సినిమాను సెన్సార్ బోర్డు చూడలేదని చెప్పారు వర్మ. కాగా.. లక్ష్మీస్ ఎన్టీఆర్ సినిమాను తమకు చూపించాలంటూ ప్రొడ్యూసర్ రాకేష్ రెడ్డిని ఆదేశించింది ఎన్నికల సంఘం. ఈ చిత్రాన్ని చూసిన తర్వాత ఈసీ సంతృప్తి చెందితేనే అనుకున్న సమయానికి సినిమా విడుదల అవుతుందని.. లేదంటే.. ఏపీలో పోలింగ్ ముగిసిన అనంతరం విడుదల అవుతుందని క్లారిటీ ఇచ్చారు వర్మ.