‘బాహుబలి’ నాలో ధైర్యాన్ని మరింత పెంచింది

బాహుబలి తనలో ధైర్యాన్ని పెంచిందని మిల్కీబ్యూటీ తమన్నా పేర్కొంది. ఒక నటిగా, మనిషిగా ఆ సినిమా తనను చాలా మార్చేసిందని తమన్నా చెప్పుకొచ్చింది. ఈ సినిమాలో నటించిన తరువాత శారీరకంగానే కాకుండా మానసికంగానూ గట్టి నిర్ణయాలు తీసుకుంటున్నానని ఆమె తెలిపింది.

‘‘నాకు ఎత్తు ప్రదేశాలు అంటే చాలా భయం. కానీ సాహాసాలు చేయడం అంటే చాలా ఇష్టం. బాహుబలి కోసం నేను చేసిన స్టంట్స్ నన్ను శారీరకంగా, మానసికంగా దృఢంగా చేశాయి. నిర్ణయాలు తీసుకునేందుకు ఆ చిత్రం చాలా సహాయం చేసింది. నిజానికి చెప్పాలంటే రిస్క్‌లు చేసేందుకు బాహుబలి నాకు ధైర్యాన్ని ఇచ్చింది’’ అంటూ తమన్నా చెప్పుకొచ్చింది. కాగా ఈ ఏడాదిలో ‘ఎఫ్2’తో మంచి విజయాన్ని సొంతం చేసుకున్న తమన్నా.. ప్రస్తుతం తెలుగులో ‘దటీజ్ మహాలక్ష్మీ’, ‘సైరా నరసింహారెడ్డి’లో నటిస్తోంది. అలాగే తమిళ్‌లో దేవీ 2తో పాటు విశాల్ సరసన మరో చిత్రంలో నటించబోతుంది.