Miss You OTT: పుష్ప 2 ప్రభంజనంలో గల్లంతైన ఫీల్ గుడ్ రొమాంటిక్ మూవీ ఇప్పుడు ఓటీటీలో.. ఎక్కడ చూడొచ్చంటే?
లవర్ బాయ్ సిద్ధార్థ్, లేటెస్ట్ సెన్సేషన్ ఆషికా రంగనాథ్ జంటగా నటించిన లేటెస్ట్ సినిమా మిస్ యూ. అల్లు అర్జున్ పుష్ప 2 విడుదలైన సరిగ్గా వారం రోజుల తర్వాత ఈ రొమాంటిక్ ఎంటర్ టైనర్ థియేటర్లలోకి వచ్చింది. కానీ పుష్ప 2 ప్రభంజనంలో నిలవలేకపోయింది.
Updated on: Jan 10, 2025 | 10:43 AM
చాలా రోజుల తర్వా సిద్ధార్థ్ నటించిన ప్రేమకథా చిత్రం మిస్ యూ. కన్నడ బ్యూటీ ఆషికా రంగనాథ్ ఈ సినిమాలో హీరోయిన్ గా నటించింది. ఎన్.రాజశేఖర్ తెరకెక్కించిన ఈ సినిమా డిసెంబర్ 13న ప్రేక్షకుల ముందుకు వచ్చింది. అయితే అప్పటికే కొనసాగుతోన్న పుష్ప 2 ప్రభంజనం ముందు నిలవలేకపోయింది. సిద్ధార్థ్, ఆషికల జోడికి మంచి పేరొచ్చినా ఎక్కువ రోజులు ఆడలేకపోయింది. దీంతో మిస్ యూ సినిమా ఓ మోస్తరు వసూళ్లతోనే సరిపెట్టుకుంది. థియేటర్లలో యావరేజ్ గా నిలిచిన ఈ రొమాంటిక్ ఎంటర్ టైనర్ ఇప్పుడు ఓటీటీలోకి వచ్చేసింది. అది కూడా ఎలాంటి ముందస్తు ప్రకటన లేకుండానే. మిస్ యూ సినిమా డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ ఫామ్ అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో శుక్రవారం (జనవరి 10) అర్ధరాత్రి నుంచి సిద్ధార్థ్ సినిమాను ఓటీటీలోకి తీసుకొచ్చింది. తెలుగుతో పాటు తమిళ భాషల్లోనూ ఈ సినిమా అందుబాటులోకి వచ్చింది.
7 మైల్స్ పర్ సెకెండ్ బ్యానర్ పై తమిళ్ నిర్మాత సామ్యూల్ మాథ్యూ మిస్ యూ సినిమాను నిర్మించారు. కరుణాకరన్, బాల శరవణన్, సభా మారన్, జయ ప్రకాశ్, పొన్నవన్, ఆడుకలం నరేన్, అనుపమా కుమార్ తదితరులు ఈ సినిమాలో నటించారు. గిబ్రాన్ స్వరాలు సమకూర్చారు. తొలి చూపులోనే హీరోయిన్తో ప్రేమలో పడిన హీరో జీవితంలో ఎలాంటి సంఘటనలు ఎదురయ్యాయి. ప్రేమించి పెళ్లి చేసుకోబోయే సమయంలో ఎందుకు విడిపోవాల్సి వచ్చింది? అనే పాయింట్ లో ఈ సినిమా సాగుతుంది. మరి థియేటర్లలో మిస్ యూ సినిమాను మిస్ అయ్యారా? అయితే ఎంచెక్కా ఓటీటీలో చూసి ఎంజాయ్ చేయండి. రొమాంటిక్ సినిమాలు ఇష్టపడేవారికి ఇది ఒక మంచి ఛాయిస్.
అమెజాన్ ప్రైమ్ వీడియోలో స్ట్రీమింగ్..
of taking chances & falling in love; Vasu & Subbu’s story will linger in your heart forever 💕#MissYouOnPrime, watch now: https://t.co/d9g9SDEPol pic.twitter.com/bqHCW0PCMH
— prime video IN (@PrimeVideoIN) January 9, 2025
మిస్ యూ ట్రైలర్..
మరిన్ని సినిమా వార్తల కోసం క్లిక్ చేయండి..
