RRR OTT: ఆర్ఆర్ఆర్ ఓటీటీ ట్రైలర్ వచ్చేసింది.. వారం రోజుల్లో స్ట్రీమింగ్.. ఎక్కడంటే..
ప్రముఖ ఓటీటీ సంస్థ జీ5లో ఈ సినిమా మే 20 నుంచి స్ట్రీమింగ్ కానుంది. అంటే మరో వారం రోజుల్లో తెలుగుతోపాటు..తమిళ్, మలయాళం
Updated on: May 13, 2022 | 12:53 PM
దర్శకధీరుడు రాజమౌళి తెరకెక్కించిన ఆర్ఆర్ఆర్ (RRR) ప్రపంచవ్యాప్తంగా బాక్సాఫీస్ వద్ద సంచలనం సృష్టించింది. తారక్, చరణ్ నటనకు దేశమే ఫిదా అయ్యింది. మార్చి 25న విడుదలైన ఈ సినిమా ఇప్పటివరకు రూ. 100 కోట్లకు పైగా వసూళ్లు సాధించి రికార్డ్స్ క్రియేట్ చేసింది. తాజాగా ఈ సినిమా ఓటీటీలో విడుదలకు సిద్ధమైన సంగతి తెలిసిందే. ప్రముఖ ఓటీటీ సంస్థ జీ5లో ఈ సినిమా మే 20 నుంచి స్ట్రీమింగ్ కానుంది. అంటే మరో వారం రోజుల్లో తెలుగుతోపాటు..తమిళ్, మలయాళం, కన్నడ భాషలలో ఈ సినిమా ఓటీటీలో అందుబాటులోకి రానుంది. ఈ క్రమంలో శుక్రవారం ఉదయం ఆర్ఆర్ఆర్ ఓటీటీ ట్రైలర్ రిలీజ్ చేశారు మేకర్స్.
తాజాగా విడుదలైన ట్రైలర్లో ఒరిజినల్ సన్నివేశాలతోపాటు.. మరికొన్ని స్పెషల్ షాట్స్తో ట్రైలర్ను డిజైన్ చేశారు. అడవిలో ఓ చిన్న తండాలో ముద్దులొలుకుతున్న ఓ చిన్నారి చూపిస్తూ ప్రారంభమైన ట్రైలర్ లో చరణ్, తారక్ కలుసుకోవడం.. వారి మధ్య స్నేహం.. పోరాటం.. ఇద్దరు కలిసి ఆంగ్లోయులపై తిరగబడడం ఇలా పలు రకాల పవర్ ఫుల్ షాట్స్ చూపించారు. ప్రతి తూటా మీద చచ్చే వాడి పేరు రాసుంటుంది.. ప్రతి తుపాకీ మీద పేల్చే వాడి పేరుంటుంది. యుద్దాన్ని వేతుక్కుంటూ ఆయుధాలు వాటంతట అవే వస్తాయి అంటూ వచ్చే డైలాగ్స్ తో ట్రైలర్ ఆకట్టుకుంటుంది. ఈ సినిమాలో బాలీవుడ్ హీరోయిన్ అలియా భట్, హాలీవుడ్ భామ ఒలివియా మోరీస్, సముద్రఖని, అజయ్ దేవగణ్, శ్రియా శరణ్ కీలకపాత్రలలో నటించిన సంగతి తెలిసిందే.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
Kamal Haasan: క్రేజీ కాంబో.. కమల్ సినిమాలో హీరో సూర్య ?.. డైరెక్టర్ ప్లాన్ మాములుగా లేదుగా..
