Chandramukhi 2 OTT: ఇంట్లోకి ‘లక లక’.. ఓటీటీ స్ట్రీమింగ్‌కు వచ్చేసిన ‘చంద్రముఖి 2’.. ఎక్కడ చూడొచ్చంటే?
'లక లక' అంటూ ప్రేక్షకులను భయపెట్టేందుకు చంద్రముఖి మళ్లీ వచ్చేసింది. ఇప్పటికే థియేటర్లలో ప్రేక్షకులను హడలెత్తించిన ఈసారి ఏకంగా ఇంట్లోకి వచ్చేసింది. అదేనండి చంద్రముఖి 2 సినిమా ఓటీటీలోకి వచ్చేసింది. బుధవారం (అక్టోబర్‌ 26) అర్ధ రాత్రి నుంచే ఈ కామెడీ హార్రర్‌ థ్రిల్లర్‌ మూవీ స్ట్రీమింగ్‌కు అందుబాటులోకి వచ్చేసింది. గతంలో రజనీకాంత్, జ్యోతిక, నయనతార కాంబినేషన్‌లో వచ్చిన చంద్రముఖి సినిమాకు సీక్వెల్‌..
Updated on: Oct 26, 2023 | 11:57 AM
‘లక లక’ అంటూ ప్రేక్షకులను భయపెట్టేందుకు చంద్రముఖి మళ్లీ వచ్చేసింది. ఇప్పటికే థియేటర్లలో ప్రేక్షకులను హడలెత్తించిన ఈసారి ఏకంగా ఇంట్లోకి వచ్చేసింది. అదేనండి చంద్రముఖి 2 సినిమా ఓటీటీలోకి వచ్చేసింది. గురువారం (అక్టోబర్‌ 26) అర్ధ రాత్రి నుంచే ఈ కామెడీ హార్రర్‌ థ్రిల్లర్‌ మూవీ స్ట్రీమింగ్‌కు అందుబాటులోకి వచ్చేసింది. గతంలో రజనీకాంత్, జ్యోతిక, నయనతార కాంబినేషన్‌లో వచ్చిన చంద్రముఖి సినిమాకు సీక్వెల్‌గా ఈ మూవీ తెరకెక్కింది. మొదటి భాగాన్నే తెరకెక్కించిన పి. వాసునే చంద్రముఖి 2 కు కూడా దర్శకత్వం వహించారు. రాఘవ లారెన్స్, కంగనా రనౌత్‌ ప్రధాన పాత్రలు పోషించారు. భారీ అంచనాలతో సెప్టెంబర్‌ 28న థియేటర్లలో విడుదలైన ఈ మూవీ పెద్దగా ఆకట్టుకోలేకపోయింది. లారెన్స్, కంగనాల అభినయం బాగున్నా పాత చంద్రమఖి కథనే మళ్లీ తిరిగి చూపించారంటూ విమర్శలు వినిపించాయి. దీంతో చంద్రముఖి 2 ప్రేక్షకులను అలరించలేకపోయింది . తెలుగు, తమిళ్‌ భాషల్లోనూ ఓ మోస్తరు కలెక్షన్లకే పరిమితమైంది. అయితే ఓటీటీ ప్రేక్షకులను భయపెట్టేందుకు ఇప్పుడీ సినిమా డిజిటల్‌ స్ట్రీమింగ్ కు వచ్చేసింది. ప్రముఖ ఓటీటీ ప్లాట్‌ఫామ్‌ నెట్ ఫ్లిక్స్ చంద్రముఖి 2 సినిమా డిజిటల్‌ స్ట్రీమింగ్ రైట్స్‌ను సొంతం చేసుకుంది. ఇంతకు ముందు ప్రకటించిన విధంగానే బుధవారం అర్ధరాత్రి నుంచే ఓటీటీలోకి అందుబాటులోకి తీసుకొచ్చింది. ప్రస్తుతం చంద్రమఖి 2 సినిమా తెలుగుతో పాటు తమిళ్‌, కన్నడ, హిందీ, మలయాళ భాషల్లో అందుబాటులో ఉంది.
లైకా ప్రొడక్షన్స్‌ బ్యానర్‌పై సుభాస్కరన్‌ భారీ బడ్జెట్‌తో నిర్మించిన చంద్రముఖి 2 సినిమాలో లక్ష్మీ మేనన్‌, వడివేలు, రాధికా శరత్ కుమార్‌, మహిమా నంబియార్‌, రావు రమేశ్‌, శత్రు, అయ్యప్ప శర్మ, ఆర్‌ ఎస్‌ శివాజీ, వైజీ మహేంద్రన్‌, మనోబాల, సుభీక్ష తదితరులు ప్రధాన పాత్రలు పోషించారు. ఎమ్.ఎమ్.కీరవాణి బాణీలు సమకూర్చారు. ఇక చంద్రముఖి 2 ఓటీటీ రైట్స్‌ కోసం నెట్‌ఫ్లిక్స్‌ సుమారు రూ.8 కోట్లు వెచ్చిందని టాక్‌ నడుస్తోంది. మరి చంద్ర ముఖి 2 సినిమాను థియేటర్లలో చూడని వారు, పర్వాలేదు చూడాలి అనుకునేవారు ఎంచెక్కా ఓటీటీలో చూసి ఎంజాయ్‌ చేయండి.
నెట్ ఫ్లిక్స్ లో స్ట్రీమింగ్..
Vettaiyan Raaja v̶a̶r̶a̶a̶r̶ vanthuvittaar!👑
Chandramukhi 2 is now streaming on Netflix in Tamil, Telugu, Malayalam, Kannada and Hindi! #Chandramukhi2OnNetflix pic.twitter.com/wwQHp60i7v
— Netflix India South (@Netflix_INSouth) October 26, 2023
వెట్టియన్ రాజుగా రాఘవ లారెన్స్..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి..
