Nayakudu: ఓటీటీలోకి వచ్చేసిన రీసెంట్ సూపర్ హిట్.. ‘నాయకుడు’ స్ట్రీమింగ్ ఎక్కడంటే..
తమిళంలో సూపర్ హిట్ అయిన ఈ సినిమాను ఇటీవలే నాయకుడు పేరుతో తెలుగులో రిలీజ్ చేశారు. అయితే అక్కడ హిట్ అయినట్లు.. తెలుగు రాష్ట్రాల్లో అంతగా ఆకట్టుకోలేకపోయింది. ఇక ఇప్పుడు ఈ సినిమా ఓటీటీలో స్ట్రీమింగ్ అవుతుంది.
Updated on: Jul 27, 2023 | 9:38 AM
తమిళ్ స్టార్ హీరో ఉదయనిధి స్టాలిన్, కీర్తి సురేష్ జంటగా నటించిన లేటేస్ట్ చిత్రం మామన్నన్. డైరెక్టర్ మారీ సెల్వరాజ్ దర్శకత్వం వహించిన ఈ యాక్షన్ థ్రిల్లర్ మూవీ కోలీవుడ్లో బ్లాక్ బస్టర్ హిట్ అయ్యింది. ఇందులో వడివేలు, ఫహద్ ఫాజిల్ కీలకపాత్రలు పోషించారు. ఉదయనిధి స్టాలిన్ చివరి చిత్రంగా అడియన్స్ ముందుకు వచ్చిన ఈ సినిమా సినీప్రియులు దృష్టిని ఆకర్షించింది. ఈ చిత్రానికి ఏ.ఆర్ రెహమాన్ సంగీతం అందించారు. తమిళంలో సూపర్ హిట్ అయిన ఈ సినిమాను ఇటీవలే నాయకుడు పేరుతో తెలుగులో రిలీజ్ చేశారు. అయితే అక్కడ హిట్ అయినట్లు.. తెలుగు రాష్ట్రాల్లో అంతగా ఆకట్టుకోలేకపోయింది. ఇక ఇప్పుడు ఈ సినిమా ఓటీటీలో స్ట్రీమింగ్ అవుతుంది.
ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ ఫామ్ నెట్ ఫ్లిక్స్ సొంతం చేసుకున్న సంగతి తెలిసిందే. ఈ చిత్రాన్ని తమిళంతోపాటు.. తెలుగు, కన్నడ, మలయాళ భాషల్లో జూలై 27 నుంచి అందుబాటులో ఉంటుందని ఇటీవలే ప్రకటించింది. ఇక ముందుగా చెప్పినట్లుగానే ఈ సినిమా ఇప్పుడు నెట్ ఫ్లిక్స్ ఓటీటీ వేదికపై స్ట్రీమింగ్ అవుతుంది. థియేటర్లలో ఈ సినిమా మిస్ అయినవారు ఇప్పుడు నెట్ ఫ్లిక్స్ లో చూడొచ్చు.
కథ విషయానికి వస్తే.. మామన్నన్ (వడివేలు) చాలా మంచి వ్యక్తి. అణాగారిన వర్గానికి చెందిన అతను ఎమ్మెల్యేగా గెలిచి ప్రజలకు సేవ చేస్తుంటారు. ఇక అతని కొడుకు వీరన్ (ఉదయనిధి ) చాలా అభ్యుదయ భావాలు ఉన్న యువకుడు. కుల వ్యవస్థ వల్ల చిన్నప్పటి నుంచే అనేక అవమానాలు ఎదుర్కొంటాడు. ఇక లీలా (కీర్తి సురేష్)ను అగ్రకులానికి చెందిన రత్నవేలు (ఫహాద్ ఫాజిల్) వేధిస్తుంటాడు. ఆమెకు సహాయం చేసేందుకు వచ్చిన మామన్నన్, వీరన్ ఎలాంటి పరిస్థితులు ఎదుర్కొన్నారు అనేది మామన్నన్ చిత్రం.
మరిన్ని సినిమా వార్తల కోసం ఇక్కడ క్లిక్ చేయండి.
