Actor Nani: ఓటీటీలోకి వచ్చేసిన నాని బ్లాక్ బస్టర్ సినిమా.. హిట్ 3 మూవీని ఎక్కడ చూడొచ్చంటే..
న్యాచురల్ స్టార్ నాని గురించి ప్రత్యేకంగా చెప్పక్కర్లేదు. హిట్టు, ప్లాపులతో సంబంధం లేకుండా విభిన్న కంటెంట్ చిత్రాలను ఎంపిక చేసుకుంటూ మంచి గుర్తింపు తెచ్చుకున్నాడు. ఇటీవలే హిట్ 3 సినిమాతో మరో బ్లాక్ బస్టర్ హిట్ ఖాతాలో వేసుకున్నాడు. ఇక ఇప్పుడు ఆ సినిమా ఓటీటీలోకి వచ్చేసింది.
Updated on: May 29, 2025 | 9:18 AM
టాలీవుడ్ ఇండస్ట్రీలో యూత్, ఫ్యామిలీ అడియన్స్ ఎక్కువగా అభిమానించే హీరోలలో నాని ఒకరు. పక్కింటి అబ్బాయిలా కనిపిస్తూ సహజ నటనతో ప్రజల మదిని గెలుచుకున్నారు. కానీ కొన్నాళ్లుగా రూట్ మార్చిన నాని.. ఇప్పుడు విభిన్న చిత్రాలను ఎంచుకుంటున్నారు. న్యాచురల్ స్టార్ నాని ఇటీవల నటించిన లేటేస్ట్ బ్లాక్ బస్టర్ హిట్ మూవీ హిట్ 3. డైరెక్టర్ శైలేష్ కొలను తెరకెక్కించిన ఈ మాస్ యాక్షన్ డ్రామా థియేటర్లలో భారీ విజయాన్ని అందుకుంది. ఇందులో అర్జున్ సర్కార్ అనే పవర్ ఫుల్ పోలీస్ ఆఫీసర్ పాత్రలో యాక్టింగ్ అదరగొట్టేశాడు నాని. ఇంతకుముందు ఎప్పుడూ లేని విధంగా యాక్షన్ సీన్స్ లో దుమ్మురేపాడు నాని. అర్జున్ సర్కార్ పోలీస్ ఆఫీసర్ గా సత్తా చాటారు. ఈ సినిమాతో అటు మాస్ హీరోగానూ మరింత ఫాలోయిగ్ పెంచుకున్నాడు. ఈ సినిమా థియేటర్లలో భారీ వసూళ్లు రాబట్టింది. అయితే ఇన్నాళ్లు థియేటర్లలో దూసుకుపోయిన ఈ సినిమా ఇప్పుడు ఓటీటీలోకి వచ్చేసింది.
ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో మే 29 నుంచి హిట్ 3 మూవీ స్ట్రీమింగ్ అవుతుంది. తెలుగుతోపాటు తమిళం, కన్నడ, హిందీ, మలయాళం భాషలలోకి ఈ మూవీ అందుబాటులోకి వచ్చేసింది. ఇందులో నాని సరసన కన్నడ బ్యూటీ శ్రీనిధి శెట్టి కథానాయికగా నటించిన సంగతి తెలిసిందే. 4K డాల్బీ విజన్, డాల్బీ అట్మాస్ ఆడియోతో ఈ సినిమా అభిమానులకు మంచి ఎక్స్ పీరియన్స్ అందిస్తుంది. మాస్ యాక్షన్ డ్రామాగా వచ్చిన ఈ చిత్రంలో బీభత్సమైన వయోలెన్స్ తో నాని బాక్సాఫీస్ షేక్ చేశారు. ప్రపంచవ్యాప్తంగా రూ.120 కోట్లకు పైగా కలెక్షన్స్ రాబట్టిన ఈ చిత్రం ఇప్పుడు ఓటీటీలో ఎలాంటి రెస్పాన్స్ అందుకుంటుందో చూడాలి.
కథ విషయానికి వస్తే.. అర్జున్ సర్కార్.. పవర్ ఫుల్ పోలీస్ ఆఫీసర్. సొసైటీలో క్రిమినల్ అనేవాడు కనిపించకూడదు అనేది అతడి సిద్ధాంతం. విపరీతమైన కోపం ఉన్న అర్జున్.. క్రిమినల్స్ కు నరకం చూపిస్తుంటారు. అయితే కొందరు సీరియల్ కిల్లర్స్ అమాయకమైన ప్రజల ప్రాణాలను భయంకరంగా తీస్తుంటారు. దేశంలో ఒకే పద్దతిలో జరిగిన 13 హత్యల వెనక ఉన్న మిస్టరీ ఏంటీ.. ? ఈ హత్యలు చేసిన సీరియల్ కిల్లర్స్ ఎవరు ? సీటీకే అనే డార్క్ వెబ్ సైట్ వెనకున్న వ్యక్తిని అర్జున్ సర్కార్ కనిపెట్టాడా ? అనేది సినిమా.
ఇవి కూడా చదవండి :
Damarukam Movie: ఢమరుకం మూవీ విలన్ భార్య తెలుగులో తోపు హీరోయిన్.. ఇంతకీ ఆమె ఎవరంటే..
