బ్రదర్ నాని.. ‘‘బ్రిలియంట్.. బ్రిలియంట్.. బ్రిలియంట్’’: ఎన్టీఆర్

నేచురల్ స్టార్ నాని నటించిన ‘జెర్సీ’ చిత్రం ఇవాళ ప్రేక్షకుల ముందుకు వచ్చింది. విడుదలైన ప్రతిచోట ఈ మూవీకి పాజిటివ్ టాక్ వినిపిస్తోంది. ముఖ్యంగా ఈ సినిమాలో నాని నటనపై సర్వత్రా ప్రశంసలు కురిపిస్తున్నారు. అర్జున్ పాత్రలో నాని ఒదిగిపోయాడని.. ఆ పాత్రలో అతడిని తప్ప మరెవరినీ ఊహించుకోలేం అంటూ సినిమాను చూసిన అందరూ సోషల్ మీడియాలో కామెంట్లు పెడుతున్నారు. ఈ నేపథ్యంలో జెర్సీని వీక్షించిన యంగ్ టైగర్ ఎన్టీఆర్ మూవీపై తన అభిప్రాయాన్ని సోషల్ మీడియాలో తెలిపాడు.

#Jersey is an outstanding film that took me on a roller coaster ride. Hats off to Gautam Tinnanuri for choosing such a subject and executing it with conviction and brilliance. Kudos to the cast and crew who excelled and supported Gautam’s vision.

— Jr NTR (@tarak9999) April 19, 2019

‘‘జెర్సీ ఓ అద్భుత ప్రయాణం. ఇలాంటి సబ్జెక్ట్‌ను తీసుకొని దానిని అద్భుతంగా తెరకెక్కించిన గౌతమ్ తిన్ననూరికి హ్యాట్సాఫ్. గౌతమ్ విజన్‌కు రూపాన్ని పోస్తూ ఈ సినిమాలో నటించిన ప్రతి ఒక్క నటీనటులకు హ్యాట్సాఫ్. బ్రదర్ నాని.. నీ అద్భుత నటనతో మరో విజయాన్ని సొంతం చేసుకున్నావు. బ్రిలియంట్.. బ్రిలియంట్.. బ్రిలియంట్. నీ నటనను నేను చాలా రోజులు గుర్తుపెట్టుకుంటా. నిన్ను చూస్తే గర్వంగా ఉంది’’ అంటూ ఎన్టీఆర్ కామెంట్ పెట్టాడు.