చడిచప్పుడు లేని నాగ్ సినిమా.. షూటింగ్ ఎప్పుడో పూర్తిచేసుకున్న ‘వైల్డ్ డాగ్’.. అప్‏డేట్ ఏది ?

లాక్ డౌన్ అనంతరం సంక్రాంతి కానుకగా థియేటర్లలో విడుదలైన సినిమాలు సూపర్ హిట్ సాధించిన సంగతి తెలిసిందే. ఇక ఇదే జోష్‏తో మిగిలిన సినిమాల విడుదల తేదీలను ప్రకటిస్తున్నాయి. ఇప్పటికే సీనియర్ హీరోల నుంచి.. యంగ్ హీరోల వరకు అందరూ తమ సినిమా రిలీజ్ డేట్‏లను ప్రకటించేస్తూ.. అభిమానులకు స్వీట్ న్యూస్ అందిస్తున్నారు. ఇక సీనియర్ హీరోలు చిరంజీవి, వెంకటేష్ తమ సినిమా విడుదల తేదీలను ప్రకటించగా… మరో హీరో బాలకృష్ణ తన మూవీ డేట్‏ను ప్రకటించేందుకు సిద్ధమయ్యాడు. ఇదిలా ఉండగా.. టాలీవుడ్ సీనియర్ హీరో మాత్రం ఇప్పటి వరకు ఎలాంటి అప్ డేట్ ఇవ్వకుండా సైలెంట్‏గా ఉన్నాడు.

టాలీవుడ్ హీరో నాగార్జున ప్రస్తుతం నటిస్తున్న చిత్రం ‘వైల్డ్ డాగ్’. లాక్ డౌన్ అనంతరం ఈ మూవీ షూటింగ్ పూర్తిచేసుకుంది కూడా. అనంతరం పోస్ట్ ప్రొడక్షన్ పనులు కూడా ముగిసినట్లుగా తెలుస్తోంది. కానీ ఇప్పటి వరకు ఈ మూవీ గురించి ఎలాంటి ప్రకటన రాలేదు. గతంలో ఈ సినిమాను ఓటీటీ వేదిక నెట్‏ఫిక్స్‏లో విడుదల చేయనున్నట్లుగా వార్తలు వచ్చాయి. కానీ ఇంతవరకు అటు ఓటీటీలో కూడా విడుదల కాలేదు. అయితే ఈ సినిమా గురించి అటు నాగ్ కానీ.. ఇటు చిత్రయూనిట్ కానీ ఎలాంటి ప్రకటన ఇవ్వడం లేదు. ఇక ఈ మూవీ తర్వాత నాగార్జున, ప్రవీణ్ సత్తారు డైరెక్షన్లో బంగార్రాజు సినిమా చేయనున్నట్లుగా గతంలో ప్రకటించారు. అటు ఈ సినిమాకు గురించి కూడా ఎలాంటి అప్ డేట్ లేదు. మరీ నాగార్జున కూడా సమ్మర్‏ బరిలోకి దిగే అవకాశాలు ఉన్నాయా? లేవా? అనేది తెలియాల్సి ఉంది.

Also Read:

Raviteja New Movie: చిరంజీవి ఓల్డ్ క్లాసిక్ హిల్లేరియస్ కామెడీ మూవీ టైటిల్ పై కన్నేసిన మాస్ మహారాజా