నవదీప్‌కు బంపరాఫర్.. సన్నీ పక్కన ఛాన్స్

ఒకప్పుడు హీరోగా మంచి హిట్లను కొట్టి.. ప్రస్తుతం చిన్న చిన్న పాత్రలు చేస్తున్న నవదీప్‌కు ఇప్పుడు బంపరాఫర్ వచ్చేసింది. బాలీవుడ్ ఎంట్రీతో పాటు హాట్ బ్యూటీ సన్నీ లియోన్ సరసన నటించే అవకాశాన్ని సొంతం చేసుకున్నాడు ఈ హీరో. ప్రముఖ నిర్మాణ సంస్థ ఏఎల్‌టీ బాలాజీ హిందీలో తెరకెక్కిస్తోన్న రాగిని ఎంఎంఎస్ రిటర్న్స్ అనే వెబ్ సిరీస్‌లో ఈ ఇద్దరు కలిసి నటించనున్నారు. ఈ సందర్భంగా నవదీప్‌తో సెల్ఫీని తీసుకున్న సన్నీ దాన్ని సోషల్ మీడియాలో షేర్ చేస్తూ.. నవదీప్‌తో కలిసి పనిచేయబోతున్నా. ఇలాంటి మంచి వ్యక్తితో కలిసి పనిచేయబోతున్నందుకు సంతోషంగా ఉంది ట్వీట్ చేసింది. దీనికి నవదీప్ రిప్లై ఇస్తూ.. మై ప్లజర్ సన్నీ.. యు ఆర్ సో ఫన్నీ అన్ని కామెంట్ పెట్టాడు. కాగా హారర్ కథాంశంతో రాగిని ఎంఎంఎస్ రిటర్న్స్ తెరకెక్కనుంది.

అయితే అల్లు అర్జున్ హీరోగా త్రివిక్రమ్ తెరకెక్కిస్తోన్న అల వైకుంఠపురంలో చిత్రంలో నవదీప్ ఓ కీలక పాత్రలో కనిపించనున్నాడు. ఈ చిత్రంలోని ఓ స్పెషల్ సాంగ్‌లో నవదీప్‌, సన్నీ కలిసి నటించనున్నట్లు అప్పట్లో వార్తలు వచ్చాయి. కానీ ఇందుకోసం వీరిద్దరు కలిసి పనిచేయలేదని.. రాగిని ఎంఎంఎస్ రిటర్న్స్‌లో ఈ ఇద్దరు నటించనున్నారని స్పష్టత వచ్చేసింది.

https://www.instagram.com/p/B3WtYQ7BKBJ/?utm_source=ig_embed&utm_campaign=dlfix