Gang Leader Trailer: యుద్ధానికి సిద్ధం కండి.. సమర శంఖం నేను ఊదుతా

Gang Leader Trailer: యుద్ధానికి సిద్ధం కండి.. సమర శంఖం నేను ఊదుతా

వైవిధ్య దర్శకుడు విక్రమ్ కుమార్ దర్శకత్వంలో నాని నటించిన చిత్రం ‘గ్యాంగ్ లీడర్’. నాని 24వ చిత్రంగా తెరకెక్కిన ఈ మూవీని మైత్రీ మూవీ మేకర్స్ నిర్మించారు. సెప్టెంబర్ 13న ఈ చిత్రం ప్రేక్షకుల ముందుకు రానుండగా.. తాజాగా ట్రైలర్‌ను విడుదల చేశారు దర్శకనిర్మాతలు. కొంత కామెడీ, కొంత యాక్షన్, మరికొంత సస్పెన్స్‌తో వచ్చిన ఈ ట్రైలర్ అందరినీ ఆకట్టుకుంటోంది. అలాగే ట్రైలర్‌కు అనిరుథ్ అందించిన బ్యాగ్రౌండ్ అదిరిపోయింది. ఇక ట్రైలర్ విషయానికొస్తే.. నాని ‘పెన్సిల్’ అనే […]

TV9 Telugu Digital Desk

| Edited By:

Aug 28, 2019 | 11:33 AM

వైవిధ్య దర్శకుడు విక్రమ్ కుమార్ దర్శకత్వంలో నాని నటించిన చిత్రం ‘గ్యాంగ్ లీడర్’. నాని 24వ చిత్రంగా తెరకెక్కిన ఈ మూవీని మైత్రీ మూవీ మేకర్స్ నిర్మించారు. సెప్టెంబర్ 13న ఈ చిత్రం ప్రేక్షకుల ముందుకు రానుండగా.. తాజాగా ట్రైలర్‌ను విడుదల చేశారు దర్శకనిర్మాతలు. కొంత కామెడీ, కొంత యాక్షన్, మరికొంత సస్పెన్స్‌తో వచ్చిన ఈ ట్రైలర్ అందరినీ ఆకట్టుకుంటోంది. అలాగే ట్రైలర్‌కు అనిరుథ్ అందించిన బ్యాగ్రౌండ్ అదిరిపోయింది.

ఇక ట్రైలర్ విషయానికొస్తే.. నాని ‘పెన్సిల్’ అనే రివేంజ్ రైటర్ పాత్రలో నటించాడు. ఇంగ్లీష్ థ్రిల్లర్ సినిమాలను చూసి.. వాటిని తెలుగులోకి తర్జుమా చేసి పుస్తకాలు రాస్తుంటాడు. ఈ క్రమంలో కొంతమందిపై పగ పెంచుకున్న ఐదుగురు ఆడవాళ్లు పెన్సిల్ సహాయం కోరుతారు. ఈ నేపథ్యంలో వారికి నాని ఎలా సహాయం చేశాడు..?ఆ ఐదుగురి బ్యాక్‌గ్రౌండ్ ఏంటి..? వారి పగ ఏంటి..? వారికి, విలన్‌కు మధ్య సంబంధం ఏంటి..? ఈ విషయాలన్నీ తెలుసుకోవాలనుకుంటే  సినిమా వచ్చే వరకు ఆగాల్సిందే.

ఇక ఈ చిత్రంలో నాని సరసన ప్రియాంక మోహన్ నటించగా.. శ్రీలక్ష్మి, శరణ్య పొన్నవన్, ప్రియదర్శి, సత్య, అనీష్ కురివెల్ల తదితరులు కీలక పాత్రలలో కనిపించనున్నారు. ఆర్ఎక్స్ 100 ఫేమ్ కార్తికేయ విలన్‌గా కనిపించనున్నాడు. అనిరుధ్ సంగీతం అందిస్తున్న ఈ మూవీపై టాలీవుడ్‌లో మంచి అంచనాలు ఉన్నాయి.

Follow us on

Most Read Stories

Click on your DTH Provider to Add TV9 Telugu