Dasara movie: కళ్లు బైర్లు కమ్మేలా దసరా థియేట్రికల్ బిజినెస్.. నాని కెరీర్లోనే బిగ్గెస్ట్ మూవీగా.
నేచురల్ స్టార్ హీరోగా తెరకెక్కిన చిత్రం దసరా. అంటే సుందరానికి చిత్రం డివైడ్ టాక్ తర్వాత వచ్చిన ఈ సినిమాపై నాని భారీగానే అంచనాలు పెట్టుకున్నారు. ఇక సుకుమార్ శిష్యుడు శ్రీకాంత్ ఓదెల తొలిసారి దర్శకుడిగా మారిన ఈ సినిమాపై..
Updated on: Mar 30, 2023 | 2:03 PM
నేచురల్ స్టార్ హీరోగా తెరకెక్కిన చిత్రం దసరా. అంటే సుందరానికి చిత్రం డివైడ్ టాక్ తర్వాత వచ్చిన ఈ సినిమాపై నాని భారీగానే అంచనాలు పెట్టుకున్నారు. ఇక సుకుమార్ శిష్యుడు శ్రీకాంత్ ఓదెల తొలిసారి దర్శకుడిగా మారిన ఈ సినిమాపై ఇండస్ట్రీలోనూ భారీ అంచనాలు ఏర్పడ్డాయి. నాని తన కెరీర్లోనే పూర్తి స్థాయిలో మాస్ లుక్లో కనిపించి ఒక్కసారిగా అందరి దృష్టిని ఆకర్షించారు. ఈ సినిమాకు సంబంధించి విడుదలైన టీజర్, ట్రైలర్ చిత్రంపై ఒక్కసారిగా అంచనాలు పెంచేశాయి. ఇక ఈరోజు థియేటర్లలోకి వచ్చిన ఈ సినిమా తొలి ఆట నుంచే పాజిటివ్ టాక్తో దూసుకుపోతోంది.
నాని, కీర్తి సురేష్ల అద్భుత నటన, శ్రీకాంత్ దర్శకత్వ ప్రతిభకు ప్రేక్షకులు ఫిదా అవుతున్నారు. సినిమాలో మాస్ ఎలిమెంట్స్, సినిమా టేకింగ్ అద్భుతంగా ఉందంటూ సినిమా చూసినవాళ్లు చెబుతున్నారు. ఇదిలా ఉంటే తెలుగుతోపాటు, మిందీ, మలయాళ, కన్నడ భాషల్లో గ్రాండ్గా రిలీజైన ఈ సినిమా థియేట్రికల్ బిజినెస్ ఓ రేంజ్లో జరిగినట్లు తెలుస్తోంది. దసరా మూవీకి ప్రపంచవ్యాప్తంగా ఏకంగా రూ. 47.05 కోట్ల థియేట్రికల్ బిజినెస్ జరగడం విశేషం.
నాని కెరీర్లో ఈ స్థాయిలో థియేట్రికల్ బిజినెస్ జరగడం ఇదే తొలిసారి కావడం విశేషం. ఇక ఈ సినిమా బ్రేక్ ఈవెన్ కావాలంటే రూ.47.5 కోట్ల షేర్ ను రాబట్టాల్సి ఉంది. మొదటి రోజు నుంచే పాజిటివ్ టాక్ రావడం ఇప్పట్లో మరే పెద్ద సినిమా విడుదలకు లేకపోవడంతో కలెక్షన్లు రావడం పక్కా అని ఇండస్ట్రీ వర్గాలు అంచనా వేస్తున్నాయి. ఇదిలా ఉంటే నాని కెరీర్లో ఇప్పటి వరకు అత్యధిక కలెక్షన్లు రాబట్టిన చిత్రంగా ఎంసీఏ ఉంది. ఈ సినిమా రూ. 40 కోట్లు రాబట్టింది. దీంతో దసరా ఈ రికార్డు బ్రేక్ చేసి మరో కొత్త రికార్డ్ నెలకొల్పడం ఖాయమని అభిమానులు ఫిక్స్ అవుతున్నారు. మరి దసరా ఎలాంటి వండర్స్ క్రియేట్ చేస్తుందో చూడాలి.
మరిన్ని సినిమా వార్తల కోసం క్లిక్ చేయండి..
