దర్శకనిర్మాతలు ప్రకటించికముందే.. లీక్‌ చేసిన మెగా బ్రదర్..!

లాక్‌డౌన్ నేపథ్యంలో సినిమా ప్రముఖులందరూ ఇళ్లకే పరిమితం అయ్యారు. దీంతో సోషల్ మీడియా ద్వారా అభిమానులతో ముచ్చటిస్తున్నారు. ఈ క్రమంలో మెగా బ్రదర్‌ నాగబాబు కూడా ఇటీవల ఫ్యాన్స్‌తో ముచ్చటించారు. ఈ నేపథ్యంలో పవన్‌ కల్యాణ్‌ సినిమాల గురించి మాట్లాడారు నాగబాబు. ప్రస్తుతం పవన్‌ వకీల్ సాబ్‌, క్రిష్ దర్శకత్వంలో ఓ చిత్రంలో నటిస్తుండగా.. ఆ రెండు సినిమాలకు సంబంధించిన విషయాలను అభిమానులతో చెప్పారు.

పింక్‌ రీమేక్‌గా వకీల్ సాబ్‌ను తెరకెక్కిస్తున్నప్పటికీ.. తెలుగు నేటివిటీకి తగ్గట్లుగా చాలా మార్పులు చేశారని పవన్‌ తనతో చెప్పినట్లు నాగబాబు అన్నారు. ఈ కథ పవన్‌కు బాగా సరిపోతుందని.. ఫ్యాన్స్‌కు ఈ మూవీ కచ్చితంగా నచ్చుతుందని ఆయన వెల్లడించారు. ఇక క్రిష్ మూవీ గురించి మాట్లాడుతూ.. ఈ ప్రాజెక్ట్ గురించి వస్తోన్న పుకార్లలో చాలా నిజాలు ఉన్నాయని తెలిపారు. విరూపాక్ష టైటిల్‌తో తెరకెక్కబోతున్న ఈ మూవీ కోహినూర్ వజ్రం చుట్టూ తిరగనుందని వివరించారు. అంతేకాదు ఔరంగజేబుల కాలం నాటి కథగా తెరకెక్కబోతున్న ఈ మూవీలో పవన్‌ దొంగగా కనిపించబోతున్నట్లు నాగబాబు స్పష్టం చేశారు. అయితే ఈ మూవీ టైటిల్ గురించి అధికారిక ప్రకటన రాకముందే.. నాగబాబు టైటిల్‌ను లీక్‌ చేయడం గమనర్హం.

Read This Story Also: ‘ఆచార్య’ నుంచి త్రిష తప్పుకోవడానికి అసలు కారణం వేరే ఉందట..!