Samantha: శాకుంతలంలో సమంత జోడి ఎవరో తెలుసా.? దుష్యంత మహారాజు పాత్రలో ఆ స్టార్‌ హీరో..
Samantha: సమంత ప్రధాన పాత్రలో తెరకెక్కుతోన్న చిత్రం 'శాకుంతలం'. గుణశేఖర్ దర్శకత్వంలో తెరకెక్కుతోన్న ఈ చిత్రంపై భారీ అంచనాలు ఉన్నాయి. దిల్ రాజు ప్రొడక్షన్స్ - గుణా టీమ్ వర్క్స్‌ ప‌తాకంపై...
Samantha: సమంత ప్రధాన పాత్రలో తెరకెక్కుతోన్న చిత్రం ‘శాకుంతలం’. గుణశేఖర్ దర్శకత్వంలో తెరకెక్కుతోన్న ఈ చిత్రంపై భారీ అంచనాలు ఉన్నాయి. దిల్ రాజు ప్రొడక్షన్స్ – గుణా టీమ్ వర్క్స్‌ ప‌తాకంపై గుణశేఖర్ కుమార్తె నీలిమ నిర్మిస్తున్న ఈ సినిమాను పౌరాణిక ఇతిహాస ఇతివృత్తంగా తెరకెక్కిస్తున్నారు. భారీ బడ్జెట్‌తో, సెట్టింగ్స్‌లతో గుణశేఖర్ అత్యంత ప్రతిష్టాత్మకంగా తెరకెక్కుతోన్న ఈ చిత్రంలో సమంత శాకుంతల దేవీ పాత్రలో నటిస్తున్న విషయం తెలిసిందే.
ఇదిలా ఉంటే చిత్ర యూనిట్ తాజాగా ఈ సినిమాలో సమంత జోడిగా నటిస్తున్న దుష్యంత మహారాజు పాత్రను ప్రేక్షకులకు పరిచయం చేశారు. ఈ పాత్రలో మలయాళ స్టార్‌ హీరో దేవ్‌ మోహన్ నటిస్తున్నారు. ఆదివారం దేవ్‌ మోహన్ పుట్టిన రోజు సందర్భంగా దేవ్‌ మోహన్ ఫస్ట్‌లుక్‌ను చిత్రి యూనిట్ విడుదల చేసింది. గుర్రంపై స్వారీ చేస్తూ వస్తున్న యువరాజు పాత్రలో దేవ్‌ మోహన్ ఆకట్టుకుంటున్నారు.
View this post on Instagram
ఈ ఫొటోను షేర్‌ చేసిన నీలిమా గుణ.. ‘హ్యాపీ బర్త్ డే టు అవర్ ఛార్మింగ్ అండ్ వాలియంట్ కింగ్ దుష్యంత్’ అంటూ చిత్రబృందం మోహన్కు విషెస్ చెప్పింది. పాన్‌ ఇండియా నేపథ్యంలో తెరకెక్కుతోన్న ఈ సినిమాలో అల్లు అర్జున్‌ కూతురు అల్లు అర్హ నటిస్తోన్న విషయం తెలిసిందే.
మరిన్ని సినిమా వార్తల కోసం క్లిక్ చేయండి..
