అండర్ కవర్ లేడీ ఏజెంట్‏గా మారిన బాలీవుడ్ హీరోయిన్.. సమ్మర్‏లో షూటింగ్ ప్రారంభం !..

బాలీవుడ్ ఇండస్ట్రీలో విలక్షణ కథలలో నటించి మంచి గుర్తింపు తెచ్చుకుంది పరిణితి చోప్రా. ప్రస్తుతం సైనా నెహ్వాల్ జీవిత కథ ఆధారంగా తెరకెక్కుతున్న సినిమాలో ప్రధాన పాత్రలో నటిస్తుంది ఈ ముద్దుగుమ్మ. ఆ సినిమాతో పాటు మరి కొన్ని చిత్రాలకు కూడా ఓకే చెప్పినట్లుగా సమాచారం. కాగా ‘ది గర్ల్ ఆన్ ది ట్రైన్’ సినిమా దర్శకుడు రిబు దాస్ గుప్తా తెరకెక్కిస్తున్న లేడీ ఓరియంటెండ్ సినిమాలో ఈ బ్యూటీ నటించనున్నట్లుగా తెలుస్తోంది. ఇందులో పరిణీతి అండర్ కవర్ ఏజెంట్‏గా కనిపించనున్నట్లుగా టాక్ వినిపిస్తోంది. వచ్చే ఏడాది మార్చి నుంచి ఈ సినిమా షూటింగ్ ప్రారంభించనున్నారు. ప్రస్తుతం ఈ సినిమా షూటింగ్‏గు సంబంధించిన లొకేషన్స్‏ను వెతికే పనిలో ఉన్నారట చిత్ర యూనిట్. కాగా డైరెక్టర్ రిబూ దాస్ గుప్తా దర్శకత్వంలో పరిణీతి నటిస్తున్న రెండవ చిత్రమిది. డైరెక్టర్ రిబూ దాస్ తెరకెక్కించిన ది గర్ల్ ఆన్ ది ట్రైన్ సినిమా ఇంకా విడుదల కావాల్సి ఉంది.