పవన్ సరసన తొలిసారి ఆ స్టార్ హీరోయిన్..!

క్రిష్‌ దర్శకత్వంలో పవన్ ఓ చిత్రంలో నటిస్తోన్న విషయం తెలిసిందే. పీరియాడిక్‌ మూవీగా తెరకెక్కబోతున్న ఈ సినిమాలో పవన్ ఇంతవరకు కనిపించిన కొత్త పాత్రలో నటించబోతున్నారు. ఇక ఈ సినిమాలో హీరోయిన్‌గా బాలీవుడ్ బ్యూటీ జాక్వలిన్‌ ఫెర్నాండేజ్‌ పేరు వినిపించగా.. తాజాగా మరో స్టార్ హీరోయిన్ పేరు వినిపిస్తోంది. కరోనా నేపథ్యంలో ఈ మూవీ షూటింగ్‌కు బ్రేక్ పడగా.. ఈ లోపు నటీనటులను ఎంచుకునే పనిలో క్రిష్‌ పడ్డారట.

ఈ నేపథ్యంలో యోగా బ్యూటీ అనుష్కను ఈ సినిమా కోసం సంప్రదిస్తున్నట్లు తెలుస్తోంది. క్రిష్‌ దర్శకత్వం వహించిన వేదం మూవీలో అనుష్క నటించగా.. ఇప్పుడు అదే చనువుతో పవన్ కోసం అనుష్కను సంప్రదించినట్లు సమాచారం. అయితే ఈ విషయంపై ఇంకా అనుష్క తన అభిప్రాయాన్ని చెప్పనున్నట్లు టాక్‌. ఒకవేళ ఇందులో నటించేందుకు అనుష్క ఒప్పుకుంటే.. మొదటిసారి పవన్‌తో అనుష్క రొమాన్స్‌ చేయనుంది. ఏఎమ్ రత్నం నిర్మిస్తోన్న ఈ మూవీకి కీరవాణి సంగీతం అందించనున్నారు. ఈ ఏడాది చివర్లోగానీ.. వచ్చే ఏడాదిగానీ ఈ చిత్రాన్ని ప్రేక్షకుల ముందుకు తీసుకురానున్నారు.

Read This Story Also: కరోనా వైరస్ ఎఫెక్ట్: వీడియో కాల్‌లో కూతురి అంత్యక్రియలు చూసిన తండ్రి..!