2021 పెళ్లిపీటలెక్కనున్న మరో సెలబ్రెటీ జంట.. యువహీరో విష్ణు విశాల్‌ను పెళ్లాడబోతున్న గుత్తా జ్వాలా

2020లో ఇప్పటికే పలువురు సెలబ్రెటీలు పెళ్లిపీటలెక్కారు. టాలీవుడ్ హీరోలు 2020లో, ముఖ్యంగా కరోనా సమయంలో పెళ్లాడిన విషయం తెలిసిందే.ఇటు నితిన్, నిఖిల్, రానా ఒక ఇంటివాళ్ళు కాగా అటు అందాల చందమామ కాజల్, మెగా డాటర్ నిహారిక కూడా వివాహాలు చేసుకున్నారు. తాజాగా మరో ముద్దుగుమ్మ కూడా పెళ్ళికి రెడీ అవుతుంది. ఆ అమ్మడు ఎవరో కాదు బ్యాడ్మింటన్ స్టార్ గుత్తా జ్వాలా.

గుత్తా జ్వాలా 2021 లో తమిళ యువహీరో విష్ణు విశాల్ ను వివాహం చేసుకోనున్నారని తెలుస్తుంది. గత కొంతకాలంగా ప్రేమలో తేలిపోతున్న ఈ జంట త్వరలో పెళ్లితో ఒక్కటవ్వబోతున్నారని సమాచారం. ఇప్పటికే ఈ  ఇద్దరి ప్రేమప్రయాణం పై మీడియాలో చాలా కథనాలు వచ్చాయి. ఇక 2021 లో ముహుర్తాలు చూసుకొని ఈ ప్రేమపావురాలు ఒక్కటవ్వబోతున్నారని తెలుస్తుంది. ఇప్పటికే విష్ణు విశాల్ మొదటి భార్యనుంచి విడాకులు తీసుకొని పెళ్ళికి సిద్ధమయ్యారని తెలుస్తుంది. అటు గుత్తా జ్వాలకు కూడా ఇది రెండో పెళ్లి. త్వరలోనే ఈ పెళ్లికి సంబంధించిన  అధికారప్రకటన వచ్చే అవకాశం ఉంది.