Sidharth Shukla: సిద్దార్థ్ శుక్లా అంత్యక్రియలు పూర్తి.. ప్రేయసి కన్నీళ్లు… గుండె తరుక్కుపోయే సీన్..

సిద్దార్థ్ శుక్లా(40) ఆకస్మిక మరణం అతని సన్నిహితులను, అభిమానులకు విషాదంలోకి నెట్టింది. తాజాగా ఆయన మృతదేహానికి పోస్ట్‌మార్టం అనంతరం ముంబయిలోని ఓషివారా శ్మశానవాటికలో అంత్యక్రియలు పూర్తయ్యాయి. అతడి కుటుంబ సభ్యులు, అభిమానులు.. సిద్దార్థ్​కు కన్నీటి వీడ్కోలు పలికారు. ఈ అంత్యక్రియల్లోనే పాల్గొన్న సిద్దార్థ్​ ప్రేయసి షెహనాజ్​ గిల్ కన్నీటి పర్యమంతమైంది. ఈ సన్నివేశం అక్కడున్న ప్రతి ఒక్కరినీ కంటతడి పెట్టించింది. ఆమె ఫొటో ఒకటి సోషల్ మీడియాలో తెగ వైరల్​గా మారింది. కన్నీళ్లు పెట్టుకుంటున్న ఆ ఫొటోను చూసి పలువురు అభిమానులు విషాదంలో మునిగిపోయారు.

అయితే గురువారం రాత్రి ముంబయి ఆస్పత్రిలో సిద్దార్థ్​ డెడ్‌బాడీకి శవ పంచనామా నిర్వహించారు. డాక్టర్ల సమక్షంలో పోలీస్‌ అధికారులు పోస్ట్‌మార్టంను షూట్ చేశారు. అనంతరం శవపంచనామా నివేదికను పోలీసులకు అందించారు. ఈ రిపోర్ట్ ప్రకారం సిద్దార్థ్‌ మృతదేహంపై ఎలాంటి గాయాలు లేవని డాక్టర్లు నిర్ధారించినట్లు తెలుస్తోంది. దీంతో ఆయన గుండెపోటుతోనే మృతి చెందారని అందరూ భావిస్తున్నారు. ‘బాలికావధు’  సీరియల్‌తో సిద్దార్థ్‌ నటుడిగా గుర్తింపు తెచ్చుకున్నారు. ఈ క్రమంలోనే ‘బిగ్‌బాస్‌’ రియాల్టీ షోలో పాల్గొని విపరీతమైన క్రేజ్‌ సొంతం చేసుకున్నారు.

‘బిగ్‌బాస్‌’ రియాల్టీషోలో ఉన్న సమయంలో సిద్దార్థ్‌ శుక్లాకు షెహనాజ్‌ గిల్‌తో పరిచయం ఏర్పడింది. షోలో ఉన్నప్పుడే వీళ్లిద్దరూ మంచి ఫ్రెండ్స్ అయ్యారు. వీరి మధ్య ఉన్న బాండింగ్ చూసి ఈ జంటకు ఓ రేంజ్‌లో ఫాలోవర్స్ పెరిగిపోయారు. షో నుంచి బయటకు వచ్చాక కూడా వీరిద్దరూ కలిసి పలు షోల్లో సందడి చేశారు. దీంతో సిద్దార్థ్‌-షెహనాజ్‌ లవ్‌లో ఉన్నారని.. త్వరలోనే పెళ్లి చేసుకోబోతున్నారని వార్తలు వచ్చాయి. ఈ క్రమంలోనే సిద్దార్థ్‌ ఆకస్మిక మరణంతో షెహనాజ్‌ షాక్‌కు గురైందని.. ఎవ్వరితోనూ మాట్లాడాలనుకోవడం లేదని.. సెల్‌ఫోన్‌ కూడా స్విచ్ఛాఫ్‌ చేసేసిందని ఆమె స్నేహితులు, తోటి నటీనటులు చెబుతున్నారు.

View this post on Instagram

A post shared by Manav Manglani (@manav.manglani)

Also Read: చిత్తూరు జిల్లాలో సంచలనం… 74 మంది వాలంటీర్ల మూకుమ్మడి రాజీనామా

విశాఖ వీధుల్లో పందుల పందేలు.. ఊలలు, అరుపులు.. స్థానికులు బెంబేలు