AR Rahman: సెట్లో పెను ప్రమాదం.. తృటిలో ప్రాణాలతో బయటపడ్డ ఏఆర్ రెహమాన్ తనయుడు..
ప్రమాదానికి సంబంధించిన ఫోటోస్ తన ఇన్ స్టాలో షేర్ చేస్తూ ఆ భగవంతుడికి కృతజ్ఞతలు తెలిపుతూ ప్రమాదానికి సంబంధించిన వివరాలను తెలియజేశారు. ప్రస్తుతం తాను ఇలా జీవించి ఉన్నందుకు ఆ దేవుడికి.. తల్లిదండ్రులకు.. స్నేహితుల ఆశీర్వాదం వల్లే అన్నారు అమీన్.
ఆస్కార్ అవార్డ్ గ్రహీత ప్రముఖు సంగీత దర్శకుడు ఏఆర్ రెహమాన్ తనయుడు అమీన్ పెద్ద ప్రమాదం నుంచి బయటపడ్డారు. ఇటీవల ముంబైలో ఓ షూటింగ్ సెట్లో పెను ప్రమాదం జరిగింది. రెహమాన్ కొడుకు అమీన్ లైవ్ ఇస్తున్న సమయంలో ఓ షాన్డిలియర్ కూలిపోయింది. ఈ ప్రమాదంలో తృటిలో అమీన్ ప్రాణాలతో బయటపడగా.. ఘటన జరిగి మూడు రోజులు గడుస్తున్నప్పటికీ ఇంకా ఆ షాక్ నుంచి కోలుకోలేకపోతున్నట్లు తెలిపారు. ప్రమాదానికి సంబంధించిన ఫోటోస్ తన ఇన్ స్టాలో షేర్ చేస్తూ ఆ భగవంతుడికి కృతజ్ఞతలు తెలిపుతూ ప్రమాదానికి సంబంధించిన వివరాలను తెలియజేశారు. ప్రస్తుతం తాను ఇలా జీవించి ఉన్నందుకు ఆ దేవుడికి.. తల్లిదండ్రులకు.. స్నేహితుల ఆశీర్వాదం వల్లే అన్నారు అమీన్.
“నా టీంతో కలిసి ఓ మ్యూజిక్ వీడియో షూట్ చేస్తుండగా.. క్రేన్ కు ఏర్పాటు చేసిన కొన్ని వస్తువులు..భారీ లైట్లు కిందపడ్డాయి. ఈ ప్రమాదం జరిగిన సమయంలో నేను వాటికి కొద్ది దూరంలోనే ఉన్నాను. పైనుంచి కిందపడిన వాటిలో ఓ భారీ షాండిలియర్ కూడా ఉంది. ఏ మాత్రం కాస్త్ అటు ఇటు అయినా అవి మా తలపై పడేవి. అదృష్టవశాత్తు ఎవరికీ ఎలాంటి ప్రమాదం జరగలేదు. ఈ ఘటన షాక్ నుంచి ఇప్పటికీ మేము తేరుకోలేకపోతున్నారు. నా తల్లిదండ్రులు, ఆ భగవంతుడు ఆశీర్వాదం వల్లే ఈరోజు నేను ప్రమాదం నుంచి బయటపడగలిగాను. లేదంటే ఏం జరిగి ఉండేదో” అంటూ రాసుకొచ్చారు. ఇక తనయుడి ఘటనపై ఏఆర్ రెహమాన్ స్పందిస్తూ ఓ ప్రకటన విడుదల చేశారు.
“ఇటీవల కొద్ది రోజుల క్రితం నా కుమారుడు ఏఆర్ అమీన్.. అతని టీం పెద్ద విపత్తు నుంచి తప్పించుకున్నారు. ఆ దేవుడి దయ వలన ఇటీవల ముంబైలోని ఫిల్మ్ సిటీలో జరిగిన ప్రమాదంలో వీరికి ఎలాంటి గాయలు కాలేదు. ఈ ఘటనపై ఇన్సురెన్స్ కంపెనీ, నిర్మాణ సంస్థ గుడ్ పెల్లాస్ స్టూడియోస్ పై దర్యాప్తు జరుగుతుంది ” అని రెహమాన్ తెలిపారు.
మరిన్ని సినిమా వార్తల కోసం ఇక్కడ క్లిక్ చేయండి.