Kajal Aggarwal: అలాంటి మూవీలనే నేను ఇష్టపడతా.. ఈ సినిమా కూడా అలాంటిదే..

అందాల చందమామ కాజల్ అగర్వాల్ ప్రస్తుతం కాస్త జోరు తగ్గించింది. ఇటీవలే పెళ్లిపీటలెక్కిన ఈ అమ్మడు మునుపటిలా వచ్చిన సినిమాలన్నీ చేయకుండా ఆచి తూచి అడుగులు వేస్తుంది.

Rajeev Rayala |

Updated on: Jun 26, 2021 | 5:12 PM

Kajal Aggarwal: అందాల చందమామ కాజల్ అగర్వాల్ ప్రస్తుతం కాస్త జోరు తగ్గించింది. ఇటీవలే పెళ్లిపీటలెక్కిన ఈ అమ్మడు మునుపటిలా వచ్చిన సినిమాలన్నీ చేయకుండా ఆచి తూచి అడుగులు వేస్తుంది. ప్రస్తుతం ఈ ముద్దుగుమ్మ చేతిలో మెగాస్టార్ చిరంజీవి కొరటాల శివ కాంబినేషన్ లో వస్తున్న ఆచార్య తోపాటు.. శంకర్ కమల్ హాసన్ చేస్తున్న ఇండియన్ 2 సినిమాలు ఉన్నాయి. వీటితోపాటుగా.. కింగ్ నాగార్జున తో ఓ సినిమా చేస్తుంది కాజల్ అగర్వాల్. అలాగే బాలీవుడ్ సినిమాలోనూ నటిస్తుంది కాజల్. ఉమా అనే టైటిల్ తో ఈ సినిమా తెరకెక్కితుంది. ఉమా అనే అమ్మాయి కారణంగా పెళ్లి ఇంట్లో ఎలాంటి మార్పులు చోటు చేసుకున్నాయనే స్టోరీతో డైరెక్టర్ స్క్రిప్ట్ రెడీ చేసాడు. పెళ్లి తర్వాత కాజల్ ఓకే చేసిన ఫస్ట్ బాలీవుడ్ ప్రాజెక్ట్ ఇది. కాజల్ ఉమా పాత్రలో కనిపించనుంది. ఈ సినిమాను నూతన దర్శకుడు తతగత సింఘా డైరెక్ట్ చేయనున్నాడు. మిరాజ్ గ్రూప్ బ్యానర్ పై అవికేష్ ఘోష్ – మంతరాజ్ పాలివాల్ సినిమాను నిర్మించనున్నారు. ఈ సినిమాకు ప్రముఖ దర్శకుడు సుజోయ్ ఘోష్ క్రియేటివ్ ప్రొడ్యూసర్ గా వ్యవహరించనున్నాడు.

ఇటీవల ఓ ఇంటర్వ్యూలో కాజల్ మాట్లాడుతూ.. నటిగా ఎల్లప్పుడూ నన్ను సవాల్ చేసే పాత్రలతో పాటు వినోద్మాతక కథల్లో నటించడానికి నేను ఇష్టపడతాను. ‘ఉమ’ మూవీ కూడా అలాంటిదే. ఎప్పుడెప్పుడు సినిమా షూటింగ్ ప్రారంభమవుతుందా అని ఆసక్తిగా ఎదురుచూస్తున్నా”.. అంటూ చెప్పుకొచ్చింది. ఈ సినిమా ఏడాది చివరిలో ప్రారంభం కాబోతుందని తెలుస్తుంది.

మరిన్ని ఇక్కడ చదవండి: