Telugu News Entertainment Bollywood Anushka Sharma visits Kolkata for Chakda Xpress schedule photos goes viral in social media Telugu Cinema News
Actress: గంగమ్మకు మొక్కులు చెల్లిస్తోన్న ఈ స్టార్ హీరోయిన్ ఎవరో గుర్తుపట్టారా ?.. పాన్ ఇండియా స్టార్..
కేవలం హీరోయిన్గానే కాదు కంటెంట్ బేస్డ్ సినిమాలు, వెబ్సిరీస్లు నిర్మించి సక్సెస్ఫుల్ ప్రొడ్యూసర్గా పేరు తెచ్చుకుంది. సినిమాలు చేస్తోన్న సమయంలోనే ఓ స్టార్ క్రికెటర్తో ప్రేమలో పడింది. పెద్దల ఆశీర్వాదంతో మనసిచ్చిన వాడిని మనువాడింది.
గంగానది తీరాన మొక్కులు చెల్లిస్తూ ఆధ్యాత్మిక చింతనలో మునిగిపోయిన ఈమె ఓ స్టార్ హీరోయిన్. తనదైన అందం, అభినయంతో బాలీవుడ్ సినిమా ఇండస్ట్రీలో తనకంటూ ఓ గుర్తింపు తెచ్చుకుంది. షారుఖ్, సల్మాన్, ఆమిర్ఖాన్ వంటి స్టార్ల సరసన సందడి చేసింది. కేవలం హీరోయిన్గానే కాదు కంటెంట్ బేస్డ్ సినిమాలు, వెబ్సిరీస్లు నిర్మించి సక్సెస్ఫుల్ ప్రొడ్యూసర్గా పేరు తెచ్చుకుంది. సినిమాలు చేస్తోన్న సమయంలోనే ఓ స్టార్ క్రికెటర్తో ప్రేమలో పడింది. పెద్దల ఆశీర్వాదంతో మనసిచ్చిన వాడిని మనువాడింది. ఆతర్వాత ఒక ఆడబిడ్డకు అమ్మగా మారింది. మాతృత్వం కారణంగా కొన్ని రోజుల పాట సిల్వర్ స్ర్కీన్కు దూరంగా ఉన్న ఈ ముద్దుగుమ్మ మళ్లీ ఓ స్పోర్ట్స్ బయోపిక్తో ప్రేక్షకుల ముందుకు వస్తోంది. ఓవైపు సినిమాలు, మరోవైపు కూతురి ఆలనాపాలన చూసుకుంటూ ఇన్స్పిరేషన్ వుమన్గా గుర్తింపు తెచ్చుకున్న ఈ అందాల తార మరెవరో కాదు..
ప్రముఖ బాలీవుడ్ హీరోయిన్, విరాట్ కోహ్లీ సతీమణి అనుష్కా శర్మ. ఓ సినిమా పనుల నిమిత్తం కోల్కతా వెళ్లిన అనుష్క తన టూర్కు సంబంధించిన ఫొటోలను సోషల్ మీడియా ద్వారా అభిమానులతో షేర్ చేసుకుంది. ఈ ఫొటోల్లో అనుష్క వెంట ఆమె కూతురు వామిక కూడా ఉంది. ఈ సందర్భంగా గంగమ్మకు మొక్కులు చెల్లించుకుంది అనుష్క. అదేవిధంగా తన గారాలపట్టితో కలిసి కోల్కతా వీధుల్లో సందడి చేసింది. ప్రస్తుతం ఈ ఫొటోలు నెట్టింట్లో వైరల్గా మారాయి. ఇదిలా ఉంటే ప్రస్తుతం ఆమె ఝులన్ గోస్వామి జీవిత చరిత్ర ఆధారంగా రూపొందుతున్న చక్డా ఎక్స్ప్రెస్ సినిమాలో లీడ్ రోల్ పోషిస్తోంది. ఇప్పటికే ఈ సినిమా షూటింగ్ చాలావరకు పూర్తైంది. ఇటీవల ఈ సినిమా నుంచి బయటికొచ్చిన అనుష్క స్టిల్స్ అభిమానులను బాగా ఆకట్టుకున్నాయి. త్వరలోనే ఈ సినిమా ప్రేక్షకుల ముందుకు రానుంది.
