Aparichithudu : హిందీ ‘అపరిచితుడి’కి జోడి దొరికేసింది.. రణ్‏వీర్ సరసన మహేష్ హీరోయిన్..

తమిళ స్టార్ హీరో విక్రమ్, సదా హీరోహీరోయిన్లుగా.. పాన్ ఇండియా డైరెక్టర్ శంకర్ తెరకెక్కించిన సినిమా అపరిచితుడు.. అప్పట్లో ఈ సినిమా బ్లాక్ బస్టర్ హిట్ గా నిలవడమే కాకుండా.. నిర్మాతలకు కాసుల వర్షం కురిపించింది. ఇదిలా ఉంటే.. దాదాపు 16 ఏళ్ళ తర్వాత ఈ సినిమాలో హిందీలో రీమేక్ చేయబోతున్నట్లుగా శంకర్ ప్రకటించిన సంగతి తెలిసిందే. అయితే ఇలా అనౌన్స్ చేసిన మరుసటి రోజు నిర్మాత ఆస్కార్ రవిచంద్రన్ తో వివాదంలో చిక్కుకున్నాడు. ఈ సినిమాకు సంబంధించి.. ఇప్పటికే లీగల్ నోటిసులను కూడా అందుకున్నాడు శంకర్.. కానీ హిందీలో అపరిచితుడు రీమేక్ విషయంలో ఏమాత్రం వెనకడుగు వేయడం లేదు. ఇందులో విక్రమ్ పాత్రలో బాలీవుడ్ హీరో రణ్‏వీర్ సింగ్ నటిస్తుండగా.. హీరోయిన్ ఎవరనేది ప్రకటించలేదు చిత్రయూనిట్.

తాజాగా సమాచారం ప్రకారం ఈ సినిమాలో రణ్‏వీర్ కు జోడీగా కియారా అద్వానీ నటించనున్నట్లుగా తెలుస్తోంది. ఇప్పటికే శంకర్ కియారాను సంప్రదించిగా.. కియారా గ్రీన్ సిగ్నల్ ఇచ్చిందట. ఇదిలా ఉంటే.. శంకర్.. తమిళ స్టార్ హీరో కమల్ హాసన్ ప్రధాన పాత్రలో ఇండియన్ 2 చిత్రాన్ని నిర్మిస్తున్నాడు. ఇక ఈ మూవీ షూటింగ్ లో ప్రమాదం జరగ్గా.. ఆ చిత్రాన్ని తాత్కలికంగా నిలపివేశారు. కానీ శంకర్ మాత్రం అసలు ఖాళీగా ఉండకుండా తన పని తాను కనిచ్చుకుంటున్నాడు. ఇప్పటికే మెగా పవర్ స్టార్ రామ్ చరణ్ తో కలిసి ఓ సినిమా రూపొందిచబోతున్నట్లుగా ప్రకటించాడు. ఇందులో రష్మిక మందన్నా హీరోయిన్ గా నటించనున్నట్లు టాక్ వినిపిస్తోంది. రాజకీయ నేపథ్యంలో రానున్న ఈ చిత్రంలో రష్మిక జర్నలిస్ట్ పాత్రలో కనిపించబోతున్నట్లుగా ఫిల్మ్ ఇండస్ట్రీలో గాసిప్స్ వినిపిస్తున్నాయి.

Also Read: Vijay Antony: త్వరలోనే ప్రేక్షకుల ముందుకు ‘విజయ రాఘవన్’.. రిలీజ్ డేట్ ఫిక్స్ చేసిన చిత్రయూనిట్..

ఆసుపత్రిలో పవన్ కళ్యాణ్… ఎమోషనల్ అయిన బిగ్‏బాస్ బ్యూటీ.. లైవ్‍లోనే కన్నీళ్లు పెట్టుకున్న అషూరెడ్డి…

Actor Vivek: కోరిక తీరకుండానే వెళ్లిపోయిన వివేక్… ఆశయాన్ని తీరుస్తామంటున్న అభిమానులు..