Hema: రేవ్ పార్టీ వ్యవహారంలో ట్విస్ట్.. హేమ ఫోటో రిలీజ్ చేసిన బెంగళూరు పోలీసులు..

బెంగళూరు ఫామ్‌హౌస్‌లో జరిగిన రేవ్‌పార్టీలో ఐదుగురు మాత్రమే డ్రగ్స్‌ తీసుకున్నట్టు పోలీసులు గుర్తించారు. దీనిపై క్లారిటీ ఇచ్చారు. ఐతే.. ఇదే పార్టీకి చాలా మంది లీడర్లు, సెలబ్రిటీలు కూడా హాజరుకావడంతో వాళ్లెవరూ అనే అటెన్షన్‌ అందర్లో కనిపించింది. టాలీవుడ్‌ నటి హేమ ఈ పార్టీకి హాజరైనట్టు వార్తలు రావడంతో ఆమె వివరణ ఇచ్చారు. తాను హైదరాబాద్‌లోనే ఉన్నానని.. ఓ ఫామ్‌హౌస్‌లో చిల్‌ అవుతున్నానని హేమ టీవీ9కి చెప్పారు. ఇక్కడే ఓ ఇంట్రస్టింగ్ ట్విస్ట్‌ చోటు చేసుకుంది. బెంగళూరు పోలీసులు పార్టీకి హాజరైన వారి ఫొటోలు రిలీజ్‌ చేశారు. అందులో సినీనటి హేమ ఫొటో కూడా ఉంది. ఈ కేసుతో హేమకు సంబంధం లేదు అని క్లారిటీ ఇస్తూనే, పార్టీలో ఉన్నవారి లిస్టులో ఆమె కూడా ఉన్నారని చెప్పారు పోలీసులు. హేమ టీవీ9కి పంపించిన వీడియోలో ఏ డ్రస్‌తో ఉన్నారో.. బెంగళూరు పోలీసులు ఇచ్చిన ఫొటోలోనూ అదే డ్రస్‌లో కనిపించారు. ఐతే.. టీవీ9కి హేమ తాను హైదరాబాద్‌లో ఉన్నానని చెప్తే.. బెంగళూరు పోలీసులు ఆమెను అక్కడ పార్టీలో ఉన్నట్టు చెప్పడం విశేషం.

మరిన్ని సినిమా వార్తల కోసం ఇక్కడ క్లిక్ చేయండి.