Sai Pallavi: అలా అయితే ప్రేక్షకులకు కూడా బోర్ కొడుతుంది: సాయి పల్లవి
ఆ తర్వాత 2017లో వచ్చిన ఫిదా చిత్రంతో తెలుగు ప్రేక్షకులను పలకరించిందీ మూవీ. తొలి సినిమాతోనే తనదైన నటనతో మెస్మరైజ్ చేసింది. ఫిదా సినిమాతో నిజంగానే ప్రేక్షకులను ఫిదా చేసింది సాయి పల్లవి. ఇక అప్పటి నుంచి తెలుగుతో పాటు తమిళంలోనూ వరుస సినిమాలు చేసుకుంటూ దూసుకుపోతోంది. కమర్షియల్ చిత్రాలకు వీలైనంత...
![Sai Pallavi: అలా అయితే ప్రేక్షకులకు కూడా బోర్ కొడుతుంది: సాయి పల్లవి](https://images.tv9telugu.com/wp-content/uploads/2024/08/sai-pallavi-9.jpg?w=1280)
సాయి పల్లవి.. ఈ పేరు వినగానే నటనకు పర్యాయపదం అనిపిస్తుంది. గ్లామర్ పాత్రలకు దూరంగా ఉంటూ కేవలం నటనకు ప్రాధాన్యత ఉన్న పాత్రల్లో నటిస్తూ తనకంటూ ఓ ప్రత్యేక గుర్తింపును సంపాదించుకుంది. 2005లో వచ్చిన కస్తూరి మాన్ అనే తమిళ సినిమా ద్వారా ప్రేక్షకులను పలకరించిందీ బ్యూటీ.
ఆ తర్వాత 2017లో వచ్చిన ఫిదా చిత్రంతో తెలుగు ప్రేక్షకులను పలకరించిందీ మూవీ. తొలి సినిమాతోనే తనదైన నటనతో మెస్మరైజ్ చేసింది. ఫిదా సినిమాతో నిజంగానే ప్రేక్షకులను ఫిదా చేసింది సాయి పల్లవి. ఇక అప్పటి నుంచి తెలుగుతో పాటు తమిళంలోనూ వరుస సినిమాలు చేసుకుంటూ దూసుకుపోతోంది. కమర్షియల్ చిత్రాలకు వీలైనంత వరకు దూరంగా ఉండే సాయిపల్లవి కేవలం నటనకు ప్రాధాన్యత ఉన్న పాత్రల్లోనే నటిస్తూ వస్తోంది.
అయితే సాయిపల్లవి ఇలా నటనకు మాత్రమే ప్రాధాన్యత ఉన్న పాత్రల్లో నటించడానికి ఏమైనా ప్రత్యేక ప్రణాళికలున్నాయా అంటే అలాంటిది ఏం లేదని చెబుతోంది. తాజాగా ఇచ్చిన ఓ ఇంటర్వ్యూలో సాయిపల్లవి ఈ విషయాలను వెల్లడించింది. సినిమాలను జోనర్ పేరుతో వర్గీకరించడం తనకు నచ్చదని చెప్పుకొచ్చింది సాయిపల్లవి. నటనకు ప్రాధాన్యత ఉన్న సినిమాలు, కమర్షియల్ చిత్రాలనే తేడా ఉండదని తెలిపింది.
View this post on Instagram
ప్రేక్షకులకు ఏ సినిమా నచ్చుతుందో, ఏ సినిమా నచ్చదో ముందే చెప్పలేమన్న సాయి పల్లవి.. తాను ఏ సినిమా చేసినా, పది కాలాలు గుర్తుండిపోయేలా ఉండాలని అనుకుంటానని తెలిపింది. హెవీ రోల్స్ చేయడం అంత సులభమైన విషయం కాదన్న సాయిపల్లవి.. లోలోపల చాలా ఒత్తిడిగా అనిపిస్తుందని తెలిపింది. అందుకే సరదాగా సాగిపోయే లైట్ పాత్రల్లో నటించాలని ఉందని తెలిపింది. అయితే కమర్షియల్ చిత్రాల్లో నటించినా.. కొత్తదనం ఉండేలా చూసుకుంటానని చెప్పుకొచ్చింది. లేదంటే నటిగా తనకే కాకుండా, చూసే ప్రేక్షకులకు కూడా బోర్ కొడుతుందని తెలిపింది. మంచి కథలు దొరికితే పూర్తి స్థాయి కామెడీ, యాక్షన్ పాత్రలు చేయాలని ఉందని మనసులో మాట బయటపెట్టుకుంది.
మరిన్ని సినిమా వార్తల కోసం క్లిక్ చేయండి..