చెక్‌బౌన్స్‌ కేసు: బాలీవుడ్‌ నటికి 6 నెలల జైలు శిక్ష

ముంబై : చెక్‌బౌన్స్‌ కేసులో బాలీవుడ్‌ నటి కొయినా మిత్రాకు ముంబైలోని అంథేరి మెట్రపాలిటన్‌ కోర్టు షాక్ ఇచ్చింది. ఆరునెలల జైలు శిక్ష విధిస్తూ సంచలన నిర్ణయం తీసుకుంది.  2013లో మోడల్‌ పూనం సేథి,  కొయినా మిత్రాపై పిర్యాదు చేసింది. తనకు రూ 22 లక్షలు నటి బాకీ ఉన్నారని..అప్పును  చెల్లించే క్రమంలో ఆమె తనకు ఇచ్చిన రూ 3 లక్షల చెక్‌ బౌన్స్‌ అయిందని సేథి తన ఫిర్యాదులో పేర్కొన్నారు. దీంతో పోలీసులు కేసు నమోదు చేశారు. ఇప్పటి వరకు వాదనలు నడిచిన ఈ కేసుపై కోర్టు తాజాగా తీర్పు వెలువరించింది. జైలు శిక్షతో పాటు నష్టపరిహరం క్రింద పూనం సేథికి రూ4.64 లక్షలు చెల్లించాలని కొయినా మిత్రాకు కోర్టు ఆదేశాలు జారీ చేసింది.  కాగా ఎగువ కోర్టులో తీర్పును సవాల్‌ చేస్తామని కొయినా మిత్రా వెల్లడించారు.