ఏ బంటి.. నువ్వు వాడే బ్రాండ్ సెన్సోడైన్ నిజమైనదేనా.. అసలు పేస్ట్ ఉందా?
సామాన్య ప్రజల దైనందిన జీవితంలోని భాగమైన దినచర్చకు సంబంధించి, ఢిల్లీలో ఒక దిగ్భ్రాంతికరమైన సంఘటన వెలుగులోకి వచ్చింది. మన ఆరోగ్యం, పరిశుభ్రత కోసం మనమందరం ఆధారపడే వస్తువులు ఇకపై సురక్షితంగా లేవని తేలింది. ఇటీవల, ఢిల్లీ పోలీసులు ప్రముఖ బ్రాండ్ సెన్సోడైన్ పేరుతో నకిలీ టూత్పేస్ట్ను తయారు చేస్తున్న ఒక ఫ్యాక్టరీని ఛేదించారు.
Updated on: Apr 04, 2026 | 1:02 PM
సామాన్య ప్రజల దైనందిన జీవితంలోని భాగమైన దినచర్చకు సంబంధించి, ఢిల్లీలో ఒక దిగ్భ్రాంతికరమైన సంఘటన వెలుగులోకి వచ్చింది. మన ఆరోగ్యం, పరిశుభ్రత కోసం మనమందరం ఆధారపడే వస్తువులు ఇకపై సురక్షితంగా లేవని తేలింది. ఇటీవల, ఢిల్లీ పోలీసులు ప్రముఖ బ్రాండ్ సెన్సోడైన్ పేరుతో నకిలీ టూత్పేస్ట్ను తయారు చేస్తున్న ఒక ఫ్యాక్టరీని ఛేదించారు. ఈ కేసు కేవలం నకిలీ ఉత్పత్తులను అమ్మడం గురించే కాదు, ఇది ప్రజారోగ్యాన్ని కూడా నేరుగా ప్రమాదంలో పడేస్తుందని తేలింది..
ఢిల్లీలో నకిలీ టూత్పేస్ట్ను తయారు చేస్తున్న ఒక ఫ్యాక్టరీపై పోలీసులు దాడి చేశారు. నిందితులు నకిలీ సెన్సోడైన్ టూత్పేస్ట్లను తయారు చేయడానికి చౌకైన, నాసిరకం రసాయనాలను ఉపయోగిస్తున్నారని గుర్తించారు. ఈ నకిలీ ఉత్పత్తులను అసలైన వాటిలాగే ప్యాక్ చేయడంతో, ప్రజలు సులభంగా మోసపోతున్నారు. తాము నకిలీ వస్తువులను కొనుగోలు చేస్తున్నామని గుర్తించలేకపోతున్నారు.
పోలీసుల దాడిలో భారీ పరిమాణంలో సామాగ్రిని స్వాధీనం చేసుకున్నారు. అందులో సుమారు 1,800 నింపిన నకిలీ టూత్పేస్ట్ ట్యూబ్లు, 10,000కు పైగా ఖాళీ ట్యూబ్లు, సుమారు 1,200 ప్యాక్ చేసిన ట్యూబ్లు, దాదాపు 130 కిలోగ్రాముల నకిలీ టూత్పేస్ట్, టూత్పేస్ట్ను తయారు చేయడానికి, ప్యాక్ చేయడానికి ఉపయోగించే యంత్రాలు ఉన్నాయి. దీనిని బట్టి ఇది చిన్నపాటి కార్యకలాపం కాదని, పూర్తిస్థాయి దందా అని స్పష్టంగా తెలుస్తోంది.
ఈ ఘటనకు సంబంధించిన ఒక వీడియో సోషల్ మీడియా ‘X’ ప్లాట్ఫామ్లో వేగంగా వైరల్ అయింది. నకిలీ టూత్పేస్ట్ను తయారు చేసి, ప్యాకేజీ చేయడానికి యంత్రాలను ఎలా ఉపయోగిస్తున్నారో ఆ వీడియోలో స్పష్టంగా కనిపిస్తుంది. ఈ వీడియో చూసిన తర్వాత వినియోగదారులు రకరకాలుగా స్పందించారు. ఒక యూజర్, “ఇప్పుడు నేను రోజువారీ వస్తువులను కూడా నమ్మలేకపోతున్నాను” అని రాశారు. ఇలాంటి కేసుల్లో ప్రభుత్వం మరింత కఠిన చర్యలు తీసుకోవాలని మరొకరు వ్యాఖ్యానించారు. అసలు దానికీ, నకిలీ దానికీ మధ్య తేడాను ఎలా గుర్తించాలని చాలా మంది అడుగుతున్నారు.
పూర్తి వీడియోను ఇక్కడ చూడండి..
#WATCH | Delhi Police Crime Branch busts major counterfeit Sensodyne toothpaste unit in Khanjawala, arresting one person, Hari Om Mishra, a resident of Sector-2, Rohini, with a huge consignment of fake Sensodyne toothpaste, empty tubes, cartons, filling and sealing machines, raw… pic.twitter.com/9Jso7bXVcA
— ANI (@ANI) April 3, 2026
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
