అనంతపురం మల్బరీ షెడ్‌లో భారీ అగ్నిప్రమాదం

అనంతపురం జిల్లాలో భారీ అగ్నిప్రమాదం చోటుచేసుకుంది. జిల్లాలోని కుందుర్పి శివారు ప్రాంతంలోని మల్బరీ షెడ్‌లో ప్రమాదవశాత్తు అగ్ని ప్రమాదం జరిగింది. మల్బరీ షెడ్‌లో భద్రపరచిన బిందు తుంపర సేద్యం పరికరాలు దగ్దమయ్యాయి. పెద్ద ఎత్తున మంటలు ఎగసిపడటంతో ఇరుగుపొరుగులో ఉన్న జనాలు పరుగులు తీశారు. ఈ ప్రమాదంతో లక్షల్లో ఆస్తి నష్టం వాటిల్లిందని ప్రాథమికంగా అంచనా వేశారు అధికారులు.

స్థానిక సమాచారం మేరకు ఘటనాస్థలికి చేరుకున్న ఫైరింగ్ సిబ్బంది మంటలు ఆర్పేందుకు ప్రయత్నాలు చేస్తున్నారు. మరోవైపు, ఘటనా స్థలానికి చేరుకున్న పోలీసులు, అగ్నిమాపక శాఖ అధికారులు ప్రమాదానికి గల కారణాలపై ఆరా తీస్తున్నారు. అయితే, భారీగానే ఆస్తి నష్టం వాటిల్లిందని అంచనా వేసిన అధికారులు.. కేసు నమోదు చేసుకుని దర్యాప్తు చేపట్టారు.