సెల్‌ఫోన్ బ్యాటరీ స్థానంలో బంగారం బిస్కెట్.. స్మగ్లర్ అరెస్ట్

బంగారం అక్రమ రవాణాకు స్మగ్లర్లు కొత్త మార్గాలు అన్వేషిస్తున్నారు. భద్రతా సిబ్బంది కళ్లుగప్పి బంగారాన్ని తరలించేందుకు కొత్త పద్ధతులను అనుసరిస్తున్నారు. తాజాగా ఢిల్లీ విమానాశ్రయయంలో ఇలాంటి కొత్త తరహా మోసం ఒకటి వెలుగులోకి వచ్చింది. 505 గ్రాముల బంగారాన్ని ఓ ప్రబుద్ధుడు సెల్‌ఫోన్ ద్వారా అక్రమంగా తరలిస్తున్నట్లు కస్టమ్స్ అధికారులు గుర్తించారు. సెల్‌ఫోన్ బ్యాటరీ స్థానంలో బంగారం బిస్కెట్ పెట్టి స్మగ్లింగ్ చేస్తున్న తీరును చూసి అధికారులు.. కొత్త తరహా మోసాన్ని చూసి విస్మయం వ్యక్తంచేశారు. దుబాయ్ నుంచి వచ్చిన ఓ ప్రయాణికుడి వద్ద నుంచి ఈ బ్యాటరీ బంగారాన్ని అధికారులు పట్టుకున్నారు. ఎలాంటి బిల్లులూ లేకుండా అక్రమంగా బంగారాన్ని తరలిస్తుండడంతో సీజ్ చేశామని ఢిల్లీ డీఆర్‌ఐ అధికారులు తెలిపారు. ప్రయాణికుడిని అదుపులోకి తీసుకున్న అధికారులు.. కేసు నమోదు చేసి దర్యాప్తు చేపట్టారు.

Delhi Airport Customs intercepted one passenger coming from Dubai via flight UK6302 & seized 505 gms of gold concealed in a mobile phone replacing battery of phone. Pax has been placed under arrest and further investigation is in progress. @cbic_india #IndianCustomsAtWork pic.twitter.com/wBFlTr1wam

— Delhi Customs (@Delhicustoms) August 24, 2020