పెనుగొండ వద్ద బస్సు ప్రమాదం..14 అడుగుల లోతులో పడిపోయిన బస్సు

విశాఖ జిల్లాలో ఘోర రోడ్డు ప్రమాదం జరిగింది. ఎస్ రాయవరం మండలం పెనుగొండ వద్ద బస్సు ప్రమాదానికి గురైంది. వరహానది ఒడ్డున బ్రిడ్జిపై నుంచి ఓ ప్రైవేట్ బస్సు 14 అడుగుల లోతులో పడిపోయింది. చెన్నై నుంచి విశాఖ వెళ్తున్న ఓ ప్రైవేట్ ట్రావెల్స్ కు చెందిన బస్సు అదుపుతప్పడంతో పెనుగొండ వద్ద ఈ ఘటన చోటు చేసుకుంది. బస్సులో ఐదుగురు ప్రయాణికులు మాత్రమే ఉన్నట్లు స్థానికులు వెల్లడించారు. ఈ ఘటనకు సంబంధించి సమాచారం అందుకున్న పోలీసులు ఘటనా స్థలానికి చేరుకుని సహాయక చర్యలు చేపడుతున్నారు. బస్సు పూర్తిగా ధ్వంసమైనట్లు తెలిపిన పోలీసులు.. అందులోని ప్రయాణికుల గురించి గాలింపు చేపట్టినట్లు వెల్లడించారు.