Shocking Incident: మహిళతో పోలీసు అసభ్యకర ప్రవర్తన.. మూత్ర విసర్జన చేస్తూ ఏం చేశాడంటే..

Shocking Incident: కర్ణాటక రాజధాని బెంగళూరులో దారుణం చోటుచేసుకుంది. వీధిలో ఉన్న ఓ మహిళతో.. పోలీసు కానిస్టేబుల్ అసభ్యకరంగా ప్రవర్తించాడు. ఆమె తనవైపు

Crime News

Shaik Madar Saheb |
Updated on: Dec 22, 2021 | 1:25 PM

Shocking Incident: కర్ణాటక రాజధాని బెంగళూరులో దారుణం చోటుచేసుకుంది. వీధిలో ఉన్న ఓ మహిళతో.. పోలీసు కానిస్టేబుల్ అసభ్యకరంగా ప్రవర్తించాడు. ఆమె తనవైపు చూసేలా తన ప్రైవేట్ పార్ట్స్‌ను ప్రదర్శిస్తూ అసహ్యంగా ప్రవర్తించాడు. ఈ ఘటనపై పోలీసులు చర్యలు ప్రారంభించారు. ఆ పోలీస్ కానిస్టేబుల్‌ను సస్పెండ్ చేయడంతోపాటు కేసు నమోదు చేసినట్లు నగర పోలీసు అధికారి సీకే బాబా మంగళవారం వెల్లడించారు. ఈ మేరకు బెంగళూరు ఈశాన్య డివిజన్ డీసీపీ బాబా మాట్లాడుతూ.. అమృతహళ్లి పోలీస్ స్టేషన్‌లో హెడ్ కానిస్టేబుల్‌గా పనిచేస్తున్న చంద్రశేఖర్‌ను సస్పెండ్ చేసినట్లు వెల్లడించారు.

పోలీసులు తెలిపిన వివరాల ప్రకారం.. ఆదివారం రాత్రి చంద్రశేఖర్ ఇంటికి వెళ్తున్నాడు. ఈ క్రమంలో యలహంక న్యూ టౌన్ హౌసింగ్ బోర్డు సమీపంలోకి రాగానే అతను మూత్ర విసర్జన చేసేందుకు బైక్‌ను ఆపాడు. ఈ సమయంలో వీధి కుక్కలకు ఆహారం పెట్టేందుకు ఇంటినుంచి బయటకు వచ్చిన ఓ మహిళతో అసభ్యకరంగా ప్రవర్తించాడు. ఆమెను చూసిన కానిస్టేబుల్ తన ప్రైవేటు పార్ట్స్‌ను పదర్శిస్తూ.. అసహ్యంగా ప్రవర్తించాడు. దీంతో మహిళ అతనిపై అభ్యంతరం వ్యక్తం చేసింది. ఈ క్రమంలో ఆ మహిళతో కానిస్టేబుల్ వాగ్వాదానికి దిగడంతో స్థానికులు అక్కడికి చేరుకుని వీడియోలు తీశారు.

దీనికి సంబంధించిన వీడియోను బెంగళూరు పోలీస్ కమీషనర్ సోషల్ మీడియా ఖాతాలో ట్యాగ్ చేస్తూ పోస్ట్ చేశారు. ఈ వీడియో వైరల్ అయిన అనంతరం పోలీసులు చర్యలు తీసుకున్నారు. అతనిపై కేసు నమోదు చేయడంతోపాటు.. సస్పెండ్ చేస్తున్నట్లు వెల్లడించారు. ఈ మేరకు యలహంక న్యూ టౌన్ పోలీసులు దర్యాప్తు చేస్తున్నారు.