‘థ్యాంక్యూ’..ఎఫ్‌డీఐ పాలసీ సవరణ పై రాహుల్ గాంధీ

విదేశీ ప్రత్యక్ష పెట్టుబడులఫై  పాలసీని ప్రభుత్వం సవరించిన వెంటనే కాంగ్రెస్ నేత రాహుల్ గాంధీ స్పందించారు. నా హెచ్చరికను పరిగణనలోకి తీసుకుని ఎఫ్ డీ ఐ నిబంధనలను సవరించినందుకు ధన్యవాదాలు అని ఆయన ట్వీట్ చేశారు. కరోనా కారణంగా క్షీణిస్తున్న మన దేశ ఆర్ధిక వ్యవస్థ దృష్ట్యా.. మన కంపెనీలను విదేశాలు టేకోవర్ చేసే ప్రమాదం ఉందని ఈ నెల 12 న ఆయన ట్వీట్ చేశారు.

ఇండియాలో ఎఫ్‌డీఐలను రెండు కేటగిరీల కింద అనుమతిస్తున్నారు. ఆటోమాటిక్  (ప్రభుత్వ అనుమతి అవసరం లేని కంపెనీలు), ‘వయా ది గవర్నమెంట్’ (ప్రభుత్వ అనుమతి తప్పనిసరైన సంస్థలు) అన్నవే ఈ కేటగిరీలు. ఇదివరకటి పాలసీ ప్రకారం.. పొరుగునున్న బంగ్లాదేశ్, పాకిస్తాన్ ల నుంచి కంపెనీలు ప్రభుత్వ అనుమతి పొందాల్సి వచ్ఛేది. కానీ ఇప్పుడు చైనా కంపెనీలకు కూడా ఈ నిబంధనను వర్తింపజేస్తున్నారు. దేశంలో కరోనా మహమ్మారి కారణంగా  ఎకానమీపై నీలినీడలు పరచుకున్న తరుణంలో అంతర్జాతీయ ద్రవ్య నిధి సంస్థ.. భారత వృద్ది రేటు ఈ ఏడాదికి గాను 1.9 శాతం మాత్రం ఉండగలదని అంచనా వేసింది. ఇప్పటికే దాదాపు నష్టాల బాటలో ఉన్న ఉత్పాదక రంగం లాక్ డౌన్ కారణంగా మరింత కుంగిపోయింది. ఇలాగే ఏవియేషన్, బ్యాంకింగ్ వంటి ఇతర కీలక రంగాలు కూడా ఉన్నాయి. అందువల్లే ఈ నెల 20 నుంచి కొన్ని ముఖ్య రంగాలను ఆంక్షల నుంచి మినహాయిస్తూ ప్రభుత్వం మార్గదర్శకాలను జారీ చేసింది.

I thank the Govt. for taking note of my warning and amending the FDI norms to make it mandatory for Govt. approval in some specific cases. https://t.co/ztehExZXNc

— Rahul Gandhi (@RahulGandhi) April 18, 2020