మరణ రహస్యాలు, మాయా ప్రపంచాలు.. ఈ వింత కోర్సుల గురించి తెలుసా..?

ప్రపంచంలో ఉన్న విద్యా సంస్థలు సాంప్రదాయ చదువుల కంటే ప్రత్యేకమైన, కొత్త ఆలోచనలకు ప్రాముఖ్యత ఇస్తున్నాయి. ఈ విధంగా వింతైన పాఠ్య ప్రణాళికలు విద్యార్థులకు సృజనాత్మకత, ఆసక్తి, కొత్త విషయాలపై అవగాహన పెంచడానికి సహాయపడుతున్నాయి.

హ్యారీ పోటర్ మాయాజాలం

కాలిఫోర్నియా విశ్వవిద్యాలయం బెర్కిలీలో హ్యారీ పోటర్ అభిమానుల కోసం ప్రత్యేక తరగతి ఉంది. ఈ తరగతిలో హ్యారీ పోటర్ లోని మాంత్రిక శక్తులు, కథలు, పాత్రలను తెలుసుకోవచ్చు. ఇది ఫాంటసీ ప్రపంచాన్ని విద్యార్ధులకు చేరువ చేసే అరుదైన అవకాశం.

ప్రొఫెషనల్ డాగ్ వాకింగ్

బ్రిటిష్ కాలేజ్ ఆఫ్ కెనైన్ స్టడీస్ యునైటెడ్ కింగ్‌డమ్‌లో ఒక ఆసక్తికరమైన కోర్సును అందిస్తుంది. కుక్కల ప్రేమికులకు ప్రొఫెషనల్ డాగ్ వాకింగ్ నేర్పించే ఈ కోర్సు కుక్కల సంరక్షణలో నైపుణ్యాలను మెరుగుపరచడానికి ఉపయోగపడేలా ఉంటుంది.

మరణం, మతం, సంస్కృతి

విన్‌చెస్టర్ విశ్వవిద్యాలయం “మరణం, మతం, సంస్కృతి” అనే దూర విద్య కోర్సును అందిస్తుంది. ఇది వివిధ మతాలు, సంస్కృతులలో మరణం ఎలా అర్థం చేసుకుంటారన్న దానిపై ప్రాముఖ్యతనిస్తుంది. ఈ కోర్సు మానవ జీవితంలోని గంభీరతను అర్థం చేసుకోవడానికి, మతపరమైన ఆచారాలపై అవగాహన పెంచడానికి ఉపయోగపడుతుంది.

లేడీ గాగాపై సోషియాలజీ కోర్సు

సౌత్ కరోలినా విశ్వవిద్యాలయం లేడీ గాగా జీవితం, కీర్తి గురించి ఒక ప్రత్యేక కోర్సును అందిస్తుంది. ఈ కోర్సులో విద్యార్థులు లేడీ గాగా సాంగ్ లిరిక్స్, సామాజిక అంశాలు, కీర్తి సాధనలో ఆమె ప్రయాణం వంటి అంశాలను అధ్యయనం చేస్తారు.

టర్ఫ్‌గ్రాస్ సైన్స్

పెన్ విశ్వవిద్యాలయం గడ్డి, పచ్చిక సంరక్షణపై “టర్ఫ్‌గ్రాస్ సైన్స్” అనే ఒక డిగ్రీ కోర్సును అందిస్తుంది. ఈ కోర్సు విద్యార్థులకు పచ్చిక సంరక్షణ, ఉద్యానవనాల నిర్వహణలో నైపుణ్యాలను అందిస్తుంది.

ది బీటిల్స్

లివర్‌పూల్ హోప్ విశ్వవిద్యాలయం “ది బీటిల్స్, పాపులర్ మ్యూజిక్ అండ్ సొసైటీ” అనే కోర్సును అందిస్తుంది. ఇందులో విద్యార్థులు బీటిల్స్ బాండ్ సంగీతం, సంస్కృతిపై ప్రభావం గురించి అధ్యయనం చేస్తారు.

ఈ వింతైన కోర్సులు ప్రపంచవ్యాప్తంగా విద్యార్థులకు కొత్త విషయాలను అందించి, సాంప్రదాయ విద్యా పద్ధతులకు భిన్నంగా సృజనాత్మకతను అభివృద్ధి పరచడం కోసం దోహదపడుతున్నాయి.