TS Police Constable Exam: తెలంగాణలో ఆగస్టు 28న కానిస్టేబుల్ రాత పరీక్ష.. ఈ నియమాలు తప్పనిసరి పాటించాల్సిందే
TS Police Constable Exam: తెలంగాణ రాష్ట్రంలోని పోలీసు శాఖలో కానిస్టేబుల్ పోస్టుల భర్తీకి ఆదివారం ప్రాథమిక పరీక్షకు ఏర్పాట్లు పూర్తయ్యాయి. సివిల్, ట్రాన్స్పోర్టు..
Updated on: Aug 27, 2022 | 9:06 AM
TS Police Constable Exam: తెలంగాణ రాష్ట్రంలోని పోలీసు శాఖలో కానిస్టేబుల్ పోస్టుల భర్తీకి ఆదివారం ప్రాథమిక పరీక్షకు ఏర్పాట్లు పూర్తయ్యాయి. సివిల్, ట్రాన్స్పోర్టు, ఎక్సైజ్ కానిస్టేబుల్ పోస్టుల భర్తీకి రాత పరీక్ష నిర్వహించనున్నారు. అయతే సివిల్ ఇతర విభాగాల్లో 15644, ట్రాన్స్పోర్టు-63, ఎక్సైజ్లో 614 కానిస్టేబుల్ పోస్టుల భర్తీకి నియామక బోర్డు గత ఏప్రిల్లో నోటిఫికేషన్ జారీ చేసింది. ఈ పరీక్ష ఆదివారం ఉదయం 10 గంటల నుంచి 1 గంట వరకు జరగనుంది. మొత్తం 6,61,196 మంది అభ్యర్థులు ఈ పరీక్ష రాసేందుకు హాజరు కానున్నారు. అయితే పరీక్షకు ఒక్క నిమిషం ఆలస్యమైనా అనుమతించబోమని అధికారులు స్పష్టం చేస్తున్నారు.
ఈ పరీక్ష కోసం తెలంగాణ రాష్ట్ర వ్యాప్తంగా మొత్తం 1601 పరీక్ష కేంద్రాలను ఏర్పాటు చేశారు అధికారులు. ఇప్పటికే అభ్యర్థులు రోజుల తరబడి పరీక్షకు సిద్ధం అయ్యారు. ఇప్పటి వరకు పరీక్ష కోసం సిన్నద్ధం కావడం ఒక ఎత్తైతే.. పరీక్ష రాయడం మరో ఎత్తు. ఈ పరీక్షలు వారి భవితవ్యం తేలిపోనుంది. అయితే కానిస్టేబుల్ ఉద్యోగానికి సిద్ధమయ్యే అభ్యర్థులకు ముందుగా ప్రిలిమ్స్, తర్వాత ఈవెంట్స్ ఉంటాయి. ఇవి క్వాలిఫై అయితేనే మెయిన్స్ ఉంటాయి. కానిస్టేబుల్ ప్రిలిమ్స్ ఎగ్జామ్స్ మొత్తం 200 మార్కులు ఉంటాయి. అర్థమెటిక్, రీజనింగ్ కలిపి 100 మార్కులు ఉంటాయి. ఇంగ్లీస్లో 20 మార్కులు ఉంటాయి.
రేపే పరీక్ష ఉన్నందున ఈ సమయంలో కొత్త పుస్తకాలను చదవకూడదు. చదివిన వాటిని మరోసారి రివిజన్ చేసుకోవడం మంచిదని నిపుణులు సూచిస్తున్నారు. పరీక్ష హాలులోకి వెళ్లే ముందు, వెళ్లిన తర్వాత ఎలాంటి టెన్షన్కు గురి కావద్దు. టెన్షన్ పడినట్లయితే చదివిందంతా మర్చిపోయే అవకాశం ఉంది. దీంతో మీరు పరీక్ష సరిగ్గా రాయలేని పరిస్థితి నెలకొంటుంది. పరీక్ష రాసే అభ్యర్థులు గంట ముందుగానే పరీక్ష కేంద్రానికి చేరుకోవడం మంచిది. ఒక్క నిమిషం ఆలస్యం అయినా పరీక్ష కేంద్రంలోని అనుమతించేది లేదని అధికారులు స్పష్టం చేశారు. తెలంగాణ ఏర్పడిన తర్వాత భారీగా కానిస్టేబుల్ నియామకాల కోసం ఈ పరీక్ష జరుగుతోంది.
అభ్యర్థులు www.tslprb.in వెబ్సైట్లోకి వెళ్లి లాగిన్ ఐడి, పాస్వర్డ్లను ఉపయోగించి హాల్టికెట్ డౌన్లోడ్ చేసుకోవచ్చు. దరఖాస్తు చేసుకున్న సమయంలో అప్లోడ్ చేసిన ఫోటో కాకుండా వేరే ఫోటో అతికించినా లేదా హాల్టికెట్ సరిగ్గా లేకున్నా పరీక్షకు అనుమతి ఉండదని గుర్తించుకోవాలి. అభ్యర్థులు హాల్టికెట్తో పాటు బ్లూ లేదా బ్లాక్ పాయింట్ పెన్నులను మాత్రమే తెచ్చుకోవాలి. అభ్యర్థులు వెంట సెల్ఫోన్, వాచ్, క్యాలిక్కులేటర్, ఇతర ఎలక్ట్రానిక్ వస్తువులు, ఖాళీ పేపర్లతో కేంద్రాలకు వెళ్లడం అనుమతి ఉండదు. నియామక ప్రక్రియ పూర్తయ్యే వరకు హాల్టికెట్ను భద్రంగా ఉంచుకోవాలి. అలాగే అభ్యర్థులు ఎలాంటి అభరణాలు ధరించకూడదు. హ్యాండ్ బాగ్స్, పౌచ్ వంటి వస్తువులను పరీక్ష హాల్లోకి తీసుకోకూడదు.
పరీక్ష కేంద్రాల వద్ద తనిఖీలు..
కానిస్టేబుల రాత పరీక్ష కోసం ప్రభుత్వం ఇప్పటికే అన్ని ఏర్పాట్లు పూర్తి చేసింది. ఎలాంటి ఆవాంఛనీయ సంఘటనలు జరుగకుండా పోలీసులు పటిష్ట భద్రత ఏర్పాటు చేశారు. ప్రతి పరీక్ష కేంద్రం వద్ద పోలీసులు క్షుణ్ణంగా తనిఖీ చేయనన్నారు. పరీక్ష కేంద్రాలు ఉన్న ప్రాంతాల్లోని రహదారులలో ఎలాంటి ట్రాఫిక్ ఏర్పడకుండా పోలీసులు చర్యలు చేపడుతున్నారు. పరీక్ష కేంద్రాల వద్ద కఠిన నియమాలు ఉండనున్నాయి.
మరిన్ని కెరీర్ & ఉద్యోగాల వార్తల కోసం ఇక్కడ క్లిక్ చేయండి
