NEET Counselling 2024: నీట్‌ ఎంబీబీఎస్‌ కౌన్సెలింగ్‌కు సిద్దమేనా? ఈ సర్టిఫికెట్‌లు తప్పనిసరి

దేశ వ్యాప్తంగా మెడికల్‌ కాలేజీల్లో 2024-25 విద్యా సంవత్సరానికి ఎంబీబీఎస్‌, బీడీఎస్‌ కోర్సుల్లో ప్రవేశాలకు నీట్‌ యూజీ కౌన్సెలింగ్‌ షెడ్యూల్‌ విడుదలైన సంగతి తెలిసిందే. మరోవైపు నీట్‌ యూజీ 2024 రాష్ట్ర ర్యాంకులు వెలువడటంతో తెలుగు రాష్ట్రాల్లో మెడికల్‌ సీట్లకు ప్రవేశాల ప్రక్రియ కూడా ప్రారంభమైంది. ఎంబీబీఎస్, డెంటల్‌ మెడికల్‌ కాలేజీల్లో ఎంబీబీఎస్‌/ బీడీఎస్‌ కన్వీనర్‌ కోటా సీట్ల భర్తీకి సంబంధించి ఏపీ, తెలంగాణ రాష్ట్రాల్లోని..

NEET UG Counselling

Srilakshmi C |

Updated on: Aug 11, 2024 | 6:24 AM

ఢిల్లీ, ఆగస్టు 11: దేశ వ్యాప్తంగా మెడికల్‌ కాలేజీల్లో 2024-25 విద్యా సంవత్సరానికి ఎంబీబీఎస్‌, బీడీఎస్‌ కోర్సుల్లో ప్రవేశాలకు నీట్‌ యూజీ కౌన్సెలింగ్‌ షెడ్యూల్‌ విడుదలైన సంగతి తెలిసిందే. మరోవైపు నీట్‌ యూజీ 2024 రాష్ట్ర ర్యాంకులు వెలువడటంతో తెలుగు రాష్ట్రాల్లో మెడికల్‌ సీట్లకు ప్రవేశాల ప్రక్రియ కూడా ప్రారంభమైంది. ఎంబీబీఎస్, డెంటల్‌ మెడికల్‌ కాలేజీల్లో ఎంబీబీఎస్‌/ బీడీఎస్‌ కన్వీనర్‌ కోటా సీట్ల భర్తీకి సంబంధించి ఏపీ, తెలంగాణ రాష్ట్రాల్లోని డాక్టర్‌ ఎన్టీఆర్‌, కాళోజీ నారాయణరావు ఆరోగ్య యూనివర్సిటీలు ప్రవేశాల నోటిఫికేషన్లను విడుదల చేశాయి. ఆలిండియా కోటా సీట్ల భర్తీకి మొదటి రౌండ్‌ కౌన్సెలింగ్‌కు ఆగస్టు 14 నుంచి 21వరకు రిజిస్ట్రేషన్‌ చేసుకోవాల్సి ఉంటుంది.

ఆగస్టు 23న సీట్ల కేటాయింపు ఉంటుంది. సీట్లు పొందిన అభ్యర్ధులు ఆగస్టు 24 నుంచి 29వ తేదీలోపు కాలేజీల్లో చేరాల్సి ఉంటుంది. రెండో రౌండ్‌ కౌన్సెలింగ్‌ సెప్టెంబరు 5వ తేదీన రిజిస్ట్రేషన్‌ ప్రారంభం అవుతుంది. సెప్టెంబర్ 13న సీట్లకు ఎంపికైన వారి వివరాలను వెల్లడిస్తారు. సెప్టెంబర్‌ 14 నుంచి 20లోపు సంబంధిత కాలేజీల్లో చేరాల్సి ఉంటుంది. మూడో రౌండ్‌ కౌన్సెలింగ్‌కు రిజిస్ట్రేషన్‌ ప్రక్రియ అక్టోబరు 16 నుంచి 20 వరకు జరుగుతుంది. అక్టోబరు 23న సీట్ల కేటాయింపు ఉంటుంది. సీట్లు పొందిన వారు సెప్టెంబర్‌ 24 నుంచి 30వ తేదీలోపు కాలేజీల్లో చేరాలి. ఇలా మొత్తం మూడు రౌండ్లలో కౌన్సెలింగ్‌ జరుగుతుంది. ఈ నేపథ్యంలో కౌన్సెలింగ్‌లో పాల్గొనే అభ్యర్థులు కింది ధ్రువీకరణ పత్రాలు తప్పనిసరిగా కలిగి ఉండాలి. అవేంటో ఇక్కడ తెలుసుకుందాం..

ఇవి కూడా చదవండి