Model School Entrance Exam: తెలంగాణ విద్యా శాఖ మరో కీలక నిర్ణయం.. ఆదర్శ పాఠశాలల ప్రవేశ పరీక్ష వాయిదా..!

Model School Entrance Exam Postponed: తెలంగాణ మోడల్ స్కూల్స్ అడ్మిషన్స్ పరీక్ష వాయిదా పడింది. మోడ‌ల్ స్కూల్స్‌కు సంబంధించి 7 నుంచి 10వ త‌ర‌గతి ప్రవేశాల కోసం జూన్ 5న జ‌ర‌గాల్సి ఉంది. ఈ ప‌రీక్షను వాయిదా వేస్తున్నట్లు రాష్ట్ర విద్యాశాఖ ఉత్తర్వులు జారీ చేసింది. షెడ్యూల్ ప్రకారం వచ్చే నెల 6వ తేదీన 6వ తరగతి అడ్మిషన్స్ కోసం, 5వ తేదీన 7 నుండి 10వ తరగతిల్లో ఖాళీ అయిన సీట్ల భర్తి కోసం అడ్మిషన్ ఎంట్రెన్స్ జరగాల్సి ఉంది.

అయితే, రాష్ట్రంలో కరోనా మహమ్మారి విజృంభిస్తున్న నేపథ్యంలో ప్రభుత్వ లాక్‌డౌన్ ఆంక్షలను కఠినంగా అమలు చేస్తోంది. ఇందులో భాగంగా మే 30వ నాటికి లాక్‌డౌన్‌ను పొడిగించింది రాష్ట్ర సర్కార్. ఈ నేపథ్యంలోనే వాయిదా వేస్తున్నట్లు అధికారులు ప్రకటించారు. కాగా, ఆడ్మిషన్ల కొరకు దరఖాస్తు గడువు వచ్చే నెల 20వ తేదీ వరకు పొడగించింది.

ఆద‌ర్శ పాఠ‌శాల‌ల ప్రవేశ ప‌రీక్షల ద‌ర‌ఖాస్తు గ‌డువును జూన్ 20వ తేదీ వ‌ర‌కు పొడిగించారు. ప్రవేశ ప‌రీక్షల తేదీల‌ను తర్వాత ప్రక‌టిస్తామ‌ని ఆద‌ర్శ పాఠ‌శాల‌ల ప్రాజెక్టు డైరెక్టర్ తెలిపారు. పూర్తి వివరాల కోసం http://telanganams.cgg.gov.in వెబ్‌సైట్‌ను పరిశీలించాలని ఆయన తెలిపారు.

Read Also…  గాంధీ ఆస్పత్రిలో ముఖ్యమంత్రి కేసీఆర్ పర్యటన కరోనా బాధితులకు భరోసా…: CM KCR Gandhi Hospital Visit Photos.