Teacher Jobs: తెలంగాణ గురుకులాల్లో టీచర్ పోస్టుల భర్తీ.. అర్హులు ఎవరు.? ఎలా దరఖాస్తు చేసుకోవాలి.?
TSWREI TTWREI Jobs: తెలంగాణ సాంఘిక, గిరిజన సంక్షేమం, ఏకలవ్య గురుకుల ప్రతిభ కాలేజీల్లో టీచర్ పోస్టుల భర్తీకి నోటిఫికేషన్ జారీ చేశారు. పార్ట్ టైం సబ్జెక్ట్ అసోసియేట్ ఖాళీలను భర్తీ చేయనున్నారు...
Updated on: Jul 19, 2022 | 6:40 AM
TSWREI TTWREI Jobs: తెలంగాణ సాంఘిక, గిరిజన సంక్షేమం, ఏకలవ్య గురుకుల ప్రతిభ కాలేజీల్లో టీచర్ పోస్టుల భర్తీకి నోటిఫికేషన్ జారీ చేశారు. పార్ట్ టైం సబ్జెక్ట్ అసోసియేట్ ఖాళీలను భర్తీ చేయనున్నారు. ఐఐటీ జేఈఈ, నీట్ పరీక్షలకు శిక్షణ ఇచ్చే సీనియర్ ఫ్యాకల్టీకి సహాయంగా ఈ టీచర్ పోస్టులు ఉంటాయి. నోటిఫికేషన్లో భాగంగా వివిధ సబ్జెక్టుల్లో ఉన్న మొత్తం 149 ఖాళీలను భర్తీ చేయనున్నారు. ఏయే సబ్జెక్ట్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి? లాంటి పూర్తి వివరాలు మీకోసం..
భర్తీ చేయనున్న ఖాళీలు, అర్హతలు..
* నోటిఫికేషన్లో భాగంగా మొత్తం 149 పార్ట్ టైం సబ్జెక్ట్ అసోసియేట్ ఖాళీలను భర్తీ చేయనున్నారు.
* వీటిలో గణితం- 26, భౌతికశాస్త్రం- 29, రసాయన శాస్త్రం- 32, వృక్షశాస్త్రం- 30, జంతుశాస్త్రం- 32 ఖాళీలు ఉన్నాయి.
* పైన తెలిపిన పోస్టులకు దరఖాస్తు చేసుకునే అభ్యర్థులు పీజీ, బీఈడీలో ఫస్ట్ క్లాస్లో పాస్ అయ్యి ఉండాలి. దీంతో జేఈఈ మెయిన్స్/ అడ్వాన్స్డ్, నీట్, ఎంసెట్ శిక్షణకు సంబంధించి టీచింగ్ అనుభవం ఉండాలి.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్లైన్లో దరఖాస్తు చేసుకోవాల్సి ఉంటుంది.
* అభ్యర్థులను స్క్రీనింగ్ టెస్ట్, ఇంటర్వ్యూ ఆధారంగా ఎంపిక చేస్తారు.
* అభ్యర్థులు రూ. 500 పరీక్ష ఫీజు చెల్లించాల్సి ఉంటుంది.
* ఆన్లైన్ దరఖాస్తుల స్వీకరణ 23-07-2022న ప్రారంభమవుతుంది.
* రాత పరీక్షను 31-07-2022న నిర్వహిస్తారు. ఇంటర్వ్యూను 08-08-2022న నిర్వహించనున్నారు.
* నోటిఫికేషన్ కోసం క్లిక్ చేయండి..
* పూర్తి వివరాల కోసం క్లిక్ చేయండి..
మరిన్ని విద్య, ఉద్యోగ వార్తల కోసం క్లిక్ చేయండి..
