TG SC Study Circle Jobs: ఎలాంటి రాత పరీక్ష లేకుండానే.. తెలంగాణ ఎస్సీ స్టడీ సర్కిల్‌లో ఆఫీస్‌ స్టాఫ్‌ ఉద్యోగాలు

తెలంగాణ ప్రభుత్వం అధీనంలో నడిచే రాజన్న సిరిసిల్ల జిల్లాలోని ఎస్సీ డెవలప్‌మెంట్ స్టడీ సర్కిల్‌ అవుట్ సోర్సింగ్ ప్రాతిపదికన పలు ఉద్యోగాల భర్తీకి అర్హులైన అభ్యర్ధుల నుంచి దరఖాస్తులను ఆహ్వానిస్తూ నోటిఫికేషన్‌ విడుదల చేసింది. ఈ నోటిఫికేషన్‌ కింద ఆఫీస్ మేనేజర్ కమ్ అకౌంటెంట్, కోర్సు కో-ఆర్డినేటర్, ఆఫీస్ అసిస్టెంట్ కమ్ కంప్యూటర్ ఆపరేటర్, ఆఫీస్ అసిస్టెంట్/ అటెండర్ పోస్టులను భర్తీ చేయనున్నారు..

TG SC Study Circle

Srilakshmi C |

Updated on: Aug 18, 2024 | 7:55 AM

తెలంగాణ ప్రభుత్వం అధీనంలో నడిచే రాజన్న సిరిసిల్ల జిల్లాలోని ఎస్సీ డెవలప్‌మెంట్ స్టడీ సర్కిల్‌ అవుట్ సోర్సింగ్ ప్రాతిపదికన పలు ఉద్యోగాల భర్తీకి అర్హులైన అభ్యర్ధుల నుంచి దరఖాస్తులను ఆహ్వానిస్తూ నోటిఫికేషన్‌ విడుదల చేసింది. ఈ నోటిఫికేషన్‌ కింద ఆఫీస్ మేనేజర్ కమ్ అకౌంటెంట్, కోర్సు కో-ఆర్డినేటర్, ఆఫీస్ అసిస్టెంట్ కమ్ కంప్యూటర్ ఆపరేటర్, ఆఫీస్ అసిస్టెంట్/ అటెండర్ పోస్టులను భర్తీ చేయనున్నారు. ఆసక్తి కలిగిన అభ్యర్థులు ఆఫ్‌లైన్‌ విధానంలో దరఖాస్తు చేసుకోవల్సి ఉంటుంది. దరఖాస్తులకు ఆగస్టు 25వ తేదీని చివరి తేదీగా నిర్ణయించారు.

ఆఫీస్ అసిస్టెంట్/ అటెండర్ పోస్టుకు దరఖాస్తు చేసుకునే అభ్యర్ధులు 7వ తరగతిలో ఉత్తీర్ణత పొంది ఉండాలి. ఆఫీస్ అసిస్టెంట్ కమ్ కంప్యూటర్ పోస్టుకు ఆపరేటర్ డిగ్రీ, పీజీడీసీఏ, లోయర్‌ గ్రేడ్‌ ఇంగ్లిష్‌/ తెలుగు టైప్ రైటింగ్ సర్టిఫికెట్ ఉండాలి. అలాగే కోర్సు కో-ఆర్డినేటర్ పోస్టుకు ఏదైనా పీజీతో పాటు కంప్యూటర్‌ పరిజ్ఞానం తప్పనిసరిగా ఉండాలి. ఇక ఆఫీస్ మేనేజర్ కమ్ అకౌంటెంట్ పోస్టుకు బీకాం లేదా ఎంబీఏతో పాటు పాటు కంప్యూటర్‌ పరిజ్ఞానం అవసరం. ఈ అర్హతలున్న వారు ఎవరైనా ఆగస్టు 25, 2024వ తేదీలోపు ఆఫ్‌లైన్‌ విధానంలో దరఖాస్తు చేసుకోవచ్చు. ఎలాంటి రాత పరీక్ష లేదు. విద్యార్హతలు, ఇంటర్వ్యూ, పని అనుభవం తదితరాల ఆధారంగా ఎంపిక చేస్తారు. ఎంపికైన వారికి నెలకు ఆఫీస్ అసిస్టెంట్/ అటెండర్ పోస్టుకు రూ.22,000, ఇతర పోస్టులకు రూ.31,000 చొప్పున జీత భత్యాలు చెల్లిస్తారు. నింపిన దరఖాస్తులను ఈ కింది అడ్రస్‌లో అందజేయాలి. ఇతర పూర్తి వివరాలను రాజన్న సిరిసిల్ల జిల్లాలోని ఉపాధి కల్పన అధికారి కార్యాలయంలో సంప్రదించవచ్చు.