LIC Scholarship: విద్యార్థులకు ఎల్ఐసీ బంపరాఫర్.. ఏటా రూ. 15 వేలు స్కాలర్షిప్ పొందే అవకాశం..
LIC Scholarship: దేశంలోనే అతిపెద్ద ప్రభుత్వ బీమా రంగ సంస్థ ఎల్ఐసీ ఉద్యోగుల కోసం బంపరాఫర్ తీసుకొచ్చింది. ఎల్ఐసీ హౌసింగ్ ఫైనాన్స్ లిమిటెడ్ స్కాలర్షిప్ అందిస్తోంది. ఇందులో భాగంగానే దేశవ్యాప్తంగా..
Updated on: Sep 23, 2022 | 12:47 PM
LIC Scholarship: దేశంలోనే అతిపెద్ద ప్రభుత్వ బీమా రంగ సంస్థ ఎల్ఐసీ ఉద్యోగుల కోసం బంపరాఫర్ తీసుకొచ్చింది. ఎల్ఐసీ హౌసింగ్ ఫైనాన్స్ లిమిటెడ్ స్కాలర్షిప్ అందిస్తోంది. ఇందులో భాగంగానే దేశవ్యాప్తంగా ఉన్న అర్హులైన విద్యార్థుల నుంచి దరఖాస్తులు స్వీకరిస్తోంది. ఇంతకీ ఈ స్కాలర్షిప్ పొందడానికి ఉండాల్సిన అర్హతలు ఏంటి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..
ఎల్ఐసీ హౌజింగ్ ఫైనాన్స్ లిమిటెడ్ అందిస్తోన్న ఈ స్కాలర్షిప్కు దరఖాస్తు చేసుకునే విద్యార్థులు గుర్తింపు పొందిన కళాశాల/యూనివర్సిటీలో 2022-23 విద్యా సంవత్సరానికి గాను గ్రాడ్యుయేషన్ మొదటి ఏడాది ప్రవేశం పొంది ఉండాలి. అలాగే విద్యార్థులు 12వ తరగతి బోర్డు ఎగ్జామ్స్ లో 60 శాతం మార్కులు సాధించి ఉండాలి. విద్యార్థుల పేరెంట్స్ వార్షిక ఆదాయం రూ. 3,60,000 లోపు ఉండాలి. ఈ స్కాలర్షిప్కు ఎంపికైన విద్యార్థులకు ఏడాదికి రూ. 15,000 చొప్పున మూడేళ్లు ఆర్థిక సహాయం అందిస్తారు.
స్కాలర్షిప్కు దరఖాస్తు చేసుకునే విద్యార్థులు కచ్చితంగా ఫొటో ఐడెంటిటీ ప్రూఫ్, విద్యార్హత మార్క్స్ షీట్, ఆదాయ ధృవీకరణ పత్రం, ప్రస్తుతం ప్రవేశం పొందిన కాలేజ్ ఐడి లేదా బోనఫైడ్ సర్టిఫికెట్, ప్రస్తుత విద్యా సంవత్సరం ఫీజు రిసిప్ట్, బ్యాంక్ అకౌంట్ వివరాలు, క్యాస్ట్ సర్టిఫికెట్ కలిగి ఉండాలి. దరఖాస్తుల స్వీకరణ 30-09-2022తో ముగియనుంది. పూర్తి వివరాల కోసం ఇక్కడ క్లిక్ చేయండి..
మరిన్ని విద్య, ఉద్యోగ వార్తల కోసం క్లిక్ చేయండి..
