BEL Recruitment: ఇంజనీరింగ్ అర్హతతో కేంద్ర ప్రభుత్వ ఉద్యోగాలు.. నెలకు రూ. లక్షకుపైగా జీతం పొందే అవకాశం..
BEL Recruitment: భారత్‌ ఎలక్ట్రానిక్స్‌ లిమిటెడ్‌ (బెల్‌) పలు పోస్టుల భర్తీకి నోటిఫికేషన్‌ జారీ చేసింది. భారత ప్రభుత్వ రక్షణ మంత్రిత్వశాఖకు చెందిన ఈ సంస్థ బెంగళూరు క్యాంపస్‌లో పలు పోస్టులను భర్తీ చేయనున్నారు...
BEL Recruitment: భారత్‌ ఎలక్ట్రానిక్స్‌ లిమిటెడ్‌ (బెల్‌) పలు పోస్టుల భర్తీకి నోటిఫికేషన్‌ జారీ చేసింది. భారత ప్రభుత్వ రక్షణ మంత్రిత్వశాఖకు చెందిన ఈ సంస్థ బెంగళూరు క్యాంపస్‌లో పలు పోస్టులను భర్తీ చేయనున్నారు. ఇంజనీరింగ్ అర్హత కలిగిన అభ్యర్థులు ఈ పోస్టులకు దరఖాస్తు చేసుకోవచ్చు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం…
భర్తీ చేయనున్న ఖాళీలు, అర్హతలు..
* నోటిఫికేషన్‌లో భాగంగా మొత్తం 03 ఖాళీలను భర్తీ చేయనున్నారు.
* వీటిలో సీనియర్‌ ఇంజనీరింగ్ (01), డిప్యూటీ ఇంజనీర్‌ (02) ఖాళీలు ఉన్నాయి.
* సీనియర్‌ ఇంజనీర్‌ పోస్టులకు దరఖాస్తు చేసుకునే అభ్యర్థులు ఎంఈ/ ఎంటెక్ (మెకట్రానిక్స్‌) ఉత్తీర్ణత పొంది ఉండాలి. దీంతో పాటు సంబంధిత పనిలో అనుభవం ఉండాలి. అభ్యర్థుల వయసు 32 ఏళ్లు మించకూడదు.
* డిప్యూటీ ఇంజనీర్‌ పోస్టులకు దరఖాస్తు చేసుకునే అభ్యర్థులు కంప్యూటర్‌ సైన్స్/ ఇన్ఫర్మేషన్ సైన్స్/ సైబర్‌ సెక్యూరిటీలో ఎంటెక్ ఉత్తీర్ణత సాధించి ఉండాలి.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆఫ్‌లైన్ విధానంలో దరఖాస్తు చేసుకోవాల్సి ఉంటుంది.
* దరఖాస్తులను మేనేజర్‌ (హెచ్‌ఆర్‌), ప్రొడక్షన్‌ డెవలప్‌మెంట్‌ అండ్‌ ఇన్నవేషన్‌ సెంటర్‌, భారత్‌ ఎలక్ట్రానిక్స్‌ లిమిటెడ్‌, జలహళ్లి పోస్టు, బెంగళూరు-560013 అడ్రస్‌కు పంపించాల్సి ఉంటుంది.
* అభ్యర్థులను మొదట విద్యార్హతలు, పని అనుభవం ఆధారంగా షార్ట్‌లిస్ట్‌ చేస్తారు. అనంతరం రాత పరీక్ష, ఇంటర్వ్యూ ఆధారంగా తుది ఎంపిక ఉంటుంది.
* ఎంపికైన అభ్యర్థులకు పోస్టుల ఆధారంగా ఏడాదికి రూ. 12 నుంచి రూ. 14 లక్షలు చెల్లిస్తారు.
* దరఖాస్తుల స్వీకరణకు 14-06-2022ని చివరి తేదీగా నిర్ణయించారు.
* పూర్తి వివరాల కోసం క్లిక్‌ చేయండి..
మరిన్ని విద్యా, ఉద్యోగాల వార్తల కోసం క్లిక్‌ చేయండి..
