Bank Jobs 2022: బ్యాంక్‌ జాబ్స్ కోసం ఎదురుచూస్తున్నారా? బ్యాంక్‌ ఆఫ్‌ మహారాష్ట్రలో భారీగా ఉద్యోగాలకు నోటిఫికేషన్‌.. లక్షకుపైగా..

పూణెలోని బ్యాంక్‌ ఆఫ్‌ మహారాష్ట్ర .. 551 ఏజీఎమ్, చీఫ్‌ మేనేజర్‌, జనరలిస్టిక్‌ ఆఫీసర్‌ తదితర పోస్టుల భర్తీకి అర్హులైన అభ్యర్ధుల నుంచి దరఖాస్తులు ఆహ్వానిస్తూ నోటిఫికేషన్‌ విడుదల చేసింది. ఈ పోస్టులకు..

Bank Of Maharashtra

Srilakshmi C |
Updated on: Dec 06, 2022 | 5:05 PM

పూణెలోని బ్యాంక్‌ ఆఫ్‌ మహారాష్ట్ర .. 551 ఏజీఎమ్, చీఫ్‌ మేనేజర్‌, జనరలిస్టిక్‌ ఆఫీసర్‌ తదితర పోస్టుల భర్తీకి అర్హులైన అభ్యర్ధుల నుంచి దరఖాస్తులు ఆహ్వానిస్తూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి సంబంధిత స్పెషలైజేషన్‌లో డిగ్రీ/పోస్టు గ్రాడ్యుయేషన్‌/సీఏ/సీఎమ్ఏ/సీఎఫ్ఏ/ఎంబీఏ/పీజీడీబీఏ/పీజీడీబీఎమ్‌/పీజీపీఎమ్‌/పీజీడీఎమ్‌/బీఈ/బీటెక్‌/ఐటీ/ఎమ్‌సీఏ/ఎమ్సీఎస్/ఎమ్మెస్సీ/ఎమ్‌ఏ/ఎంఫిల్‌/పీహెచ్‌డీ లేదా తత్సమాన కోర్సులో ఉత్తీర్ణత సాధించి ఉండాలి. సంబంధిత పనిలో అనుభవం ఉండాలి. అభ్యర్ధుల వయసు 32 నుంచి 45 ఏళ్ల మధ్య ఉండాలి.

ఆసక్తి కలిగినవారు ఆన్‌లైన్‌ విధానంలో డిసెంబర్‌ 23, 2022వ తేదీలోపు దరఖాస్తు చేసుకోవచ్చు. దరఖాస్తు సమయంలో జనరల్/ఈడబ్ల్యూఎస్‌/ఓబీసీ అభ్యర్ధులు రూ.1180లు, ఎస్సీ/ఎస్టీ/పీడబ్ల్యూబీడీ అభ్యర్ధులు రూ.118లు రిజిస్ట్రేషన్‌ ఫీజు చెల్లించవల్సి ఉంటుంది. రాత పరీక్ష, అనుభవం ఆధారంగా ఎంపిక చేస్తారు. ప్రతిభకనబరచిన వారికి నెలకు రూ.48,170ల నుంచి రూ.1,00,350ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్ చేసుకోవచ్చు.