AIIMS Recruitment 2023: ఎయిమ్స్‌లో 3,036 నాన్ ఫ్యాకల్టీ ఉద్యోగాలు.. ఇలా దరఖాస్తు చేసుకోండి..

దేశవ్యాప్తంగా ఉన్న ఎయిమ్స్‌ సంస్థల్లో 3,036 నాన్ ఫ్యాకల్టీ గ్రూప్ బి, సి పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ న్యూఢిల్లీలోని ఆల్ ఇండియా ఇన్‌స్టిట్యూట్‌ ఆఫ్ మెడికల్ సైన్సెస్‌ నోటిఫికేషన్‌ విడుదల చేసింది. కామన్‌ రిక్రూట్‌మెంట్‌ ఎగ్జామినేషన్‌ ఫర్‌ ఎయిమ్స్‌ (సీఆర్‌ఈ- ఎయిమ్స్‌) ద్వారా ఈ పోస్టులను భర్తీ చేయనున్నారు. అర్హులైన అభ్యర్థులు ఆన్‌లైన్‌ విధానంలో డిసెంబర్‌ 1వ తేదీలోగా దరఖాస్తు చేసుకోవచ్చు.

పోస్టులను భర్తీ చేయనున్న ఎయిమ్స్‌ సంస్థలు ఇవే..

ఎయిమ్స్‌ భటిండా, ఎయిమ్స్‌ బిలాస్‌పూర్, ఎయిమ్స్‌ దేవ్‌ఘర్, ఎయిమ్స్‌ గోరఖ్‌పూర్, ఎయిమ్స్‌ జోధ్‌పుర్, ఎయిమ్స్‌ కల్యాణి, ఎయిమ్స్‌ మంగళగిరి, ఎయిమ్స్‌ భోపాల్, ఎయిమ్స్‌ భువనేశ్వర్, ఎయిమ్స్‌ బీబీనగర్, ఎయిమ్స్‌ పట్నా, ఎయిమ్స్‌ రాయ్‌పూర్, ఎయిమ్స్‌ రాజ్‌కోట్, ఎయిమ్స్‌ రిషికేశ్, ఎయిమ్స్‌ విజయ్‌పూర్,  ఎయిమ్స్‌ నాగ్‌పుర్, ఎయిమ్స్‌ రాయ్ బరేలీ, ఎయిమ్స్‌ న్యూఢిల్లీ.

పోస్టుల వివరాలు..

అసిస్టెంట్ అడ్మినిస్ట్రేటివ్ ఆఫీసర్, అసిస్టెంట్ డైటీషియన్, అసిస్టెంట్ ఇంజినీర్, హాస్పిటల్ అటెండెంట్, జూనియర్ అకౌంట్స్ ఆఫీసర్, జూనియర్ అడ్మినిస్ట్రేటివ్ అసిస్టెంట్, జూనియర్ ఇంజినీర్, జూనియర్ హిందీ ట్రాన్స్‌లేటర్, జూనియర్ ఫిజియోథెరపిస్ట్, జూనియర్ రిసెప్షన్ ఆఫీసర్, జూనియర్ వార్డెన్, అసిస్టెంట్ లాండ్రీ సూపర్‌వైజర్, అసిస్టెంట్ స్టోర్ ఆఫీసర్, ఆడియోలజిస్ట్ అండ్‌ స్పీచ్ థెరపిస్ట్, బయో మెడికల్ ఇంజినీర్, క్యాషియర్, కోడింగ్ క్లర్క్, డార్క్ రూమ్ అసిస్టెంట్, హిందీ ఆఫీసర్, ల్యాబ్ టెక్నీషియన్, లాండ్రీ మేనేజర్, లాండ్రీ సూపర్‌వైజర్, లీగల్ అసిస్టెంట్, డేటా ఎంట్రీ ఆపరేటర్, డెంటల్ హైజీనిస్ట్, డైటీషియన్, డ్రైవర్, ఎలక్ట్రీషియన్, ఫైర్ టెక్నీషియన్, గ్యాస్/ పంప్ మెకానిక్, హెల్త్ ఎడ్యుకేటర్ తదితర పోస్టులు ఈ నోటిఫికేషన్‌ కింద భర్తీ చేస్తారు.

ఇవి కూడా చదవండి

వేలంపాటకు టైటానిక్‌ డిన్నర్‌ 'మెనూ'.. ఎంత ధర పలికిందో తెలుసా?

విపరీతమైన ఆకలి, చాక్లెట్స్‌ ఎక్కువగా తినాలని మీకూ అనిపిస్తుందా?

చిన్న గాయమే అనుకున్నారంతా..చివరికి బ్రెయిన్‌ డెడ్‌తో యువకుడు మృతి

'ధూమ్‌' మువీ డైరెక్టర్‌ కన్నుమూత

అర్హతలు ఏమేం ఉండాలంటే.. పోస్టును అనుసరించి మెట్రిక్యులేషన్/ పదో తరగతి, ఐటీఐ, 12వ తరగతి/ ఇంటర్, సంబంధిత విభాగంలో డిప్లొమా, డిగ్రీ, పీజీ, పీజీ డిప్లొమా, పీహెచ్‌డీ, టైపింగ్/ డ్రైవింగ్ సర్టిఫికెట్ కలిగి ఉండాలి.

ఆన్‌లైన్ విధానంలో డిసెంబర్‌ 1, 2023వ తేదీలోపు దరఖాస్తు చేసుకోవచ్చు. దరఖాస్తు ఫీజు కింద జనరల్/ ఓబీసీ అభ్యర్థులు రూ.3000, ఎస్సీ/ ఎస్టీ/ ఈడబ్ల్యూఎస్‌ అభ్యర్థులకు రూ.2400 చెల్లించవల్సి ఉంటుంది. పీడబ్ల్యూడీ అభ్యర్థులకు దరఖాస్తు ఫీజు నుంచి మినహాయింపు ఉంటుంది. దరఖాస్తు సవరణకు డిసెంబర్ 06, 2023 నుంచి డిసెంబర్ 07 వరకు అవకాశం ఇస్తారు. అడ్మిట్ కార్డుల డిసెంబర్‌ 12, 2023వ తేదీన విడుదల చేస్తారు. కామన్‌ రిక్రూట్‌మెంట్‌ ఎగ్జామినేషన్‌ ఫర్‌ ఎయిమ్స్‌ (సీఆర్‌ఈ- ఎయిమ్స్‌)-2023 ( సీబీటీ రాత పరీక్ష/ స్కిల్ టెస్ట్), డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు. రాత పరీక్షలు డిసెంబర్‌ 18 నుంచి 20, 2023 వరకు జరుగుతాయి.

నోటిఫికేషన్‌ కోసం క్లిక్‌ చేయండి.

పూర్తి సమాచారం కోసం క్లిక్ చేయండి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.