Business Idea: కరోనా పరిస్థితుల్లో సరైన వ్యాపారం.. నెలకు రూ.50 వేల వరకు సంపాదించే అవకాశం..!

Business Idea: సమ్మర్‌ రాగానే వాటర్‌ బాటిళ్లకు ఎక్కడ లేని డిమాండ్‌ ఉంటుంది. మన దేశంలో జులై వరకూ వేడి వాతావరణం ఉంటుంది. ఐతే… కరోనా వచ్చాక… వాటర్ బాటిళ్ల వాడకం బాగా పెరిగింది. ప్రజలు… కుండలు, హోటళ్లలో దాదాపు నీరు తాగడం మానేశారు. ఎవరికి వారు వాటర్ బాటిల్స్ కొనుక్కొని ఆ నీరే తాగుతున్నారు. దాంతో… మినరల్ వాటర్ బాటిళ్లకు డిమాండ్ విపరీతంగా పెరిగిపోయింది. అయితే ఈ వాటర్‌ బాటిళ్ల వ్యాపారంలో అధిక లాభాలుంటాయి. సాధారణ ఫిల్టర్ చేసిన నీటిని లీటర్ రూ.20 వరకు ధర ఉంటుంది. 20 లీటర్ల వాటర్ కేన్లకు కూడా డిమాండ్ భారీగానే ఉంది. అందువల్ల ఇలాంటి వ్యాపారం ప్రారంభించిన వారికి చాలా లాభాలు గడిస్తున్నారు. కొత్తగా ఏదైనా వ్యాపారం చెయ్యాలి అనుకునేవారికి ఇది మంచి వ్యాపారమనే చెప్పాలి.

మీరు కంపెనీ ప్రారంభించాలనుకుంటే కంపెనీ చట్ట ప్రకారం మీ కంపెనీ పేరును రిజిస్టర్‌ చేయాల్సి ఉంటుంది. ఆ పేరు కూడా సింపుల్‌గా, జనాల్లో బాగా గుర్తుండిపోయేలా ఉండాలి. కంపెనీ పేరు రిజిస్టర్ అయ్యాక… మీరు పాన్, జీఎస్టీ వివరాలు సమర్పించాలి. ఇతర పనులన్ని పూర్తయ్యాక.. మీరు వాటర్ ప్లాంట్ కోసం స్థలం కేటాయించుకోవాలి. మీకు 1000 నుంచి 1500 చదరవు అడుగుల స్థలం కావాల్సి ఉంటుంది. ఇందులోనే బోర్ వేసుకోవాలి. అలాగే… RO, చిల్లర్ మెషిన్ ఏర్పాటు చేసుకోవాల్సి ఉంటుంది. వాటర్ స్టోర్ చేసుకోవడానికి ట్యాంకులు ఏర్పాటు చేసుకోవాల్సి ఉంటుంది. ఇది కొంత సమయం పట్టే పనే. కానీ సమయం తీసుకున్న మంచి లాభాలు వచ్చే వ్యాపారమే.

లైసెన్స్, ఐఎస్‌ఐ నెంబర్‌:

మీరు వాటర్‌ ప్లాంట్‌ ప్రారంభించడానికి లైసెన్స్‌ పొందాల్సి ఉంటుంది. అలాగే వాటర్‌ బాటిళ్లపై ముద్రించేందుకు ఐఎస్ఐ (ISI) ప్రమాణం తప్పకుండా పొందాల్సి ఉంటుంది. మీరు ప్లాంట్ ప్రారంభించే చోట… నీటిలో TDS లెవెల్ ఎక్కువగా ఉండకూడదు. చాలా కంపెనీలు కమర్షియల్ RO ప్లాంట్లను ఉత్పత్తి చేస్తున్నాయి. ఈ ప్లాంట్ ధర రూ.50 వేల నుంచి రూ.2 లక్షల వరకు ఉంటుంది. ఇది మీరు కొనుక్కోవచ్చు. అలాగే మీరు 100 వాటర్ సరఫరాపై కేన్లను కొనుక్కోవాలి. వీటిలో 20 లీటర్లు పట్టేవి ఉంటే మంచిది. ఈ మొత్తానికీ మీకు 4 నుంచి 5 లక్షలు అవసరం.

బ్యాంక్ రుణ సదుపాయం:

ఈ వ్యాపారం కోసం కావాలంటే బ్యాంక్ రుణం కూడా తీసుకోవచ్చు. బ్యాంకులు రూ.10 లక్షల వరకూ రుణాలు ఇస్తాయి. ముద్ర (Mudra) పథకంలో భాగంగా ఈ రుణం పొందవచ్చు. మీరు గంటలో 1000 లీటర్ల నీటిని ఉత్పత్తి చెయ్యగలిగితే… మీరు నెలకు రూ.50 వేల వరకు సంపాదించవచ్చు.

ఆదాయం పెంచుకోవడం ఎలా?

మీరు 150 మంది రెగ్యులర్ కస్టమర్లను ఏర్పాటు చేసుకోగలిగితే.. వారు రోజూ ఒక క్యాన్ చొప్పున నీరు వాడుతున్నట్లయితే.. మీరు రోజూ 150 కేన్ల వాటర్ సరఫరా చేయగలరు. నెలకు 4,500 కేన్లను సరఫరా చేసినట్లు అవుతుంది. ఒక్కో క్యాన్ బయట షాపుల్లో రూ.40 వరకు ఉంటోంది. మీరు రూ.25కే ఇవ్వవచ్చు. ఇలా ఇచ్చినా మీరు నెలకు రూ.1.12 లక్షలు సంపాదించే అవకాశం ఉంటుంది. ఇందులో నెలవారీ ఖర్చులు, అద్దెలు, జీతాలు, కరెంటు బిల్లు పోగా… మీకు రూ.50 వేలు మిగిలే అవకాశం ఉంటుంది. అయితే లభాలు పొందాలంటే మీ వ్యాపారాన్ని అభివృద్ధి చేసుకునేదాన్ని బట్టి ఉంటుంది.

అయితే ఇంకో అవకాశం కూడా ఉంటుంది. ఇదంతా వద్దనుకుంటే మీరు పెద్ద కంపెనీలైన బిస్లరీ, ఆక్వాఫినా వంటివి కూడా 20 లీటర్ల క్యాన్లను సరఫరా చేయవచ్చు. అలాంటి కంపెనీల డీలర్‌షిప్ మీరు పొందగలిగితే… మీరు ఉన్న ప్రాంతంలోనే మీరే వాటిని ప్రజలకు, షాపులకూ సరఫరా చేయవచ్చు. ఈ విధంగా కూడా మీకు భారీ లాభాలు ఉంటాయి. కాకపోతే… డీలర్‌షిప్‌కి రూ.5 లక్షల నుంచి రూ.10 లక్షల వరకు ఉంటుంది.

ఇవీ కూడా చదవండి:

బంపర్‌ ఆఫర్‌.. బీఎస్‌ఎన్‌ఎల్‌ తక్కువ ధరకే రీఛార్జ్‌ ప్లాన్‌.. రోజు 2జీబీ డేటా, మరి ఇతర నెట్‌వర్క్‌ల ప్లాన్స్‌..

Post Office: పోస్టాఫీసులో అదిరిపోయే స్కీమ్.. రోజు 300 చొప్పున ఆదా చేస్తే కోటి రూపాయలు పొందవచ్చు..!