PAN, Aadhaar: వ్యక్తి మరణం తర్వాత ఆధార్, పాన్, ఓటర్ ఐడి, పాస్‌పోర్ట్ ఏమవుతుంది?

PAN, Aadhaar: ఆధార్ కార్డ్- పాన్ కార్డ్ లేకుండా మీరు ఏ ప్రభుత్వ పథకాల ప్రయోజనాలను పొందలేరు. బ్యాంకు ఖాతా తెరవడం నుంచి పాఠశాలలో ప్రవేశం పొందే వరకు ఆధార్-పాన్ కార్డు తప్పనిసరి..

Subhash Goud |
Updated on: Nov 29, 2024 | 8:13 AM

ఈ రోజుల్లో ఆధార్ కార్డ్, పాన్, ఓటర్ ఐడి ముఖ్యమైన పత్రాలు. ప్రభుత్వ, ప్రైవేట్ పథకాల నుంచి బ్యాంకు అకౌంట్‌, ఇతర చిన్నపాటి పనులకు కూడా ఆధార్‌ ముఖ్యంగా మారిపోయింది. ఆధార్ అనేది 12 అంకెల ప్రత్యేక సంఖ్య. ఇందులో మీ పేరు, చిరునామా, వేలిముద్ర వంటి వివరాలు ఉంటాయి. ఆధార్ కార్డ్- పాన్ కార్డ్ లేకుండా మీరు ఏ ప్రభుత్వ పథకాల ప్రయోజనాలను పొందలేరు. బ్యాంకు ఖాతా తెరవడం నుంచి పాఠశాలలో ప్రవేశం పొందే వరకు ఆధార్-పాన్ కార్డు తప్పనిసరి. అయితే ఒక వ్యక్తి చనిపోయినప్పుడు అతని ఆధార్ కార్డ్, పాన్, ఓటర్ ఐడి, పాస్‌పోర్ట్ ఏమయవుతాయో మీకు తెలుసా? దీని గురించి పూర్తి సమాచారం తెలుసుకుందాం.

ఇది కూడా చదవండి: Gold Price Today: మహిళలకు శుభవార్త.. తగ్గిన బంగారం, వెండి ధరలు

ఆధార్ కార్డ్: ఆధార్ ఒక ప్రత్యేక గుర్తింపు సంఖ్యగా ఉపయోగించబడుతుంది. గుర్తింపు, చిరునామాకు రుజువుగా పనిచేస్తుంది. ఇది తరచుగా ఎల్‌పీజీ సబ్సిడీలు, స్కాలర్‌షిప్‌లు, ఈపీఎఫ్‌ ఖాతాల వంటి క్లిష్టమైన సేవలకు లింక్ అవుతుంది.
ఆధార్‌ను డీయాక్టివేట్ చేయవచ్చా?: ప్రస్తుతం మరణించిన వ్యక్తి ఆధార్ కార్డును నిష్క్రియం చేయడానికి లేదా రద్దు చేయడానికి ఎటువంటి ఆప్షన్‌ లేదు. యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) రాష్ట్ర మరణాల నమోదులతో దాని వ్యవస్థను ఏకీకృతం చేయలేదు. అలాగే మరణాలను నమోదు చేయడానికి ఆధార్ తప్పనిసరి కాదు.

ఇవి కూడా చదవండి

దుర్వినియోగాన్ని ఎలా నిరోధించాలి?: చట్టపరమైన వారసులు మరణించిన వారి ఆధార్ దుర్వినియోగం కాకుండా చూసుకోవాలి. ఆధార్‌కు సంబంధించిన బయోమెట్రిక్ డేటాను భద్రపరచడానికి, వారసులు UIDAI వెబ్‌సైట్ ద్వారా బయోమెట్రిక్‌లను లాక్ చేయవచ్చు.
పాన్ కార్డ్: ఆదాయపు పన్ను రిటర్న్స్ (ITR), బ్యాంక్, డీమ్యాట్ ఖాతాలను నిర్వహించడానికి, ఆర్థిక లావాదేవీలను పూర్తి చేయడానికి పాన్‌ కార్డ్ అవసరం. ఐటీఆర్‌లను ఫైల్ చేయడం, ఖాతాలను మూసివేయడం లేదా రీఫండ్‌లను క్లెయిమ్ చేయడం వంటి అన్ని ఆర్థిక విషయాలు పరిష్కరించే వరకు PAN మీ వద్ద ఉండాలి.
పాన్‌ను సరెండర్ చేయడం ఎలా?: PAN ఎవరి అధికార పరిధిలో నమోదు చేయబడిందో అసెస్సింగ్ ఆఫీసర్ (AO)కి ఒక దరఖాస్తును రాయండి. మరణించిన వ్యక్తి పేరు, పాన్, పుట్టిన తేదీ, మరణ ధృవీకరణ పత్రం కాపీని చేర్చండి. పాన్‌ను సరెండర్ చేయడం తప్పనిసరి కాదు. అయితే అన్ని ఆర్థిక విషయాలు పరిష్కరించిన తర్వాత చేయవచ్చు.
ఓటరు గుర్తింపు కార్డు: ఓటర్ల నమోదు నిబంధనలు, 1960 ప్రకారం మరణించిన వ్యక్తి ఓటరు గుర్తింపు కార్డును రద్దు చేయవచ్చు. దీని కోసం స్థానిక ఎన్నికల కార్యాలయాన్ని సందర్శించండి. మరణ ధృవీకరణ పత్రం కాపీతో పాటు ఎన్నికల నిబంధనల ప్రకారం అందుబాటులో ఉన్న ఫారమ్ 7ను సమర్పించండి. ప్రక్రియ తర్వాత ఓటర్ల జాబితా నుండి పేరు తొలగిపోతుంది. పాస్‌పోర్ట్ హోల్డర్ మరణించిన తర్వాత సరెండర్ లేదా రద్దు అవసరం లేదు. అయితే, దాని గడువు ముగిసిన తర్వాత చెల్లుబాటు కాదు. వెరిఫికేషన్ వంటి ప్రయోజనాల కోసం ఇది ఉపయోగకరమైన పత్రంగా ఉపయోగపడుతుంది. అందుకే గడువు ముగిసినా పాస్‌పోర్ట్‌ను అలాగే ఉంచుకోండి.
డ్రైవింగ్ లైసెన్స్: డ్రైవింగ్ లైసెన్స్‌ల జారీ, రద్దు కోసం ప్రతి రాష్ట్రం దాని స్వంత నియమాలను కలిగి ఉంటుంది. మరణించిన వ్యక్తి లైసెన్స్‌ను సరెండర్ చేయడానికి కేంద్ర నిబంధన ఏమీ లేనప్పటికీ, సంబంధిత వ్యక్తులు నిర్దిష్ట విధానాల కోసం ప్రాంతీయ రవాణా కార్యాలయం (RTO)ని విచారించవచ్చు.
వాహన బదిలీ: చట్టపరమైన వారసులు RTOని సందర్శించడం ద్వారా మరణించిన వారి పేరు మీద రిజిస్టర్ చేసినా ఏదైనా వాహనం ఉంటే బదిలీ చేసే ప్రక్రియను ప్రారంభించాలి. ఆర్టీవో కార్యాలయంలో అధికారులను సంప్రదిస్తే పూర్తి వివరాలు తెలియజేస్తారు.